കെ. ഷമീർ സംവിധാനം ചെയ്യുന്ന അനീതി എന്ന ചിത്രത്തിന്റെ പൂജ ഇന്ന് കൊച്ചിയിൽ നടന്നു. ഏപ്രിലിൽ ചിത്രീകരണം ആരംഭിക്കും. ഒരുജാതീ മനുഷ്യൻ, റിലീസിന് ഒരുങ്ങുന്ന മുറിവ് എന്നീ ചിത്രങ്ങൾക്കുശേഷം കെ. ഷമീർ സംവിധാനം ചെയ്യുന്ന ചിത്രത്തിന് ഏറെ വ്യത്യസ്തമായ പ്രമേയമാണ്. വേ ടു ഫിലിംസിന്റെ ബാനറിൽ ബഷീർ കെ.കെ ,ബിസ്മത് എൻ.പി എന്നിവർ ചേർന്ന് നിർമ്മിക്കുന്ന ചിത്രത്തിന് അസ്മിൻ ജാസ്, ബിസ്മത് നിലമ്പൂർ എന്നിവർ തിരക്കഥയും സംഭാഷണവും എഴുതുന്നു.
എറണാകുളം മെർമെയിഡ് ഹോട്ടലിൽ ആയിരുന്നു പൂജ ചടങ്ങുകൾ നടന്നത് . യുവതാരങ്ങളെ അണിനിരത്തി സംവിധാനം ചെയ്യുന്ന ചിത്രം കോർട്ട് റൂം ഇമോഷണൽ ഡ്രാമയുടെ സ്വഭാവത്തിൽ ആയിരിക്കും എന്നാണ് സൂചന.സുബൈർ മണ്ണിൽ, മുസ്താഖ് കൂനത്തിൽ, ഇർഷാദ് പി.എം, സഗീർ എയ്യാലിൽ എന്നിവരാണ് സഹനിർമ്മാതാക്കൾ. നായികയും നായകനും ഉൾപ്പടെയുള്ള താരനിർണ്ണയം പൂർത്തിയാവുന്ന ചിത്രത്തിൽ ഷഹീൻ സിദ്ദീഖ്, കിച്ചു ടെല്ലസ്, ബിഗ് ബോസ് താരം വിഷ്ണു ജോഷി, തൻഹ ഫാത്തിമ എന്നിവരും പ്രധാന വേഷങ്ങളിൽ എത്തുന്നുണ്ട്.സിനിമയുടെ പ്രാധാന ലൊക്കേഷനുകൾ എറണാകുളം, ആലുവ, വയനാട് എന്നിവിടങ്ങളാണ്.
രജീഷ് രാമനാണ് ചിത്രത്തിൻ്റെ ഛായാഗ്രാഹകൻ. എഡിറ്റർ: താഹിർ ഹംസ, മ്യൂസിക്: നിധിൻ ജോർജ്, ലിറിക്സ്: റഫീഖ് അഹമ്മദ്, പ്രൊജക്ട് ഡിസൈനർ: ലിജു നടേരി, പ്രൊഡക്ഷൻ കൺട്രോളർ: ബിനു മുരളി, ആർട്ട്: നിധിൻ എടപ്പാൾ, മേക്കപ്പ്: റോണക്സ് സേവിയർ, കോസ്റ്റ്യൂം ഡിസൈനർ: സമീറ സനീഷ്, കൊറിയോഗ്രാഫർ: റിഷ്ദാൻ അബ്ദുൾ റഷീദ്, ചീഫ് അസോസിയേറ്റ്: യുസൈസ് എസ്, അസോസിയേറ്റ് ഡയറക്ടർ: ഷഫീൻ സുൽഫിക്കർ, പി.ആർ.ഒ: പി.ശിവപ്രസാദ്, ഡിസൈൻസ്: രാഹുൽ രാജ്, ഡിജിറ്റൽ മാർക്കറ്റിംങ്: ബി.സി ക്രിയേറ്റീവ്സ് എന്നിവരാണ് മറ്റ് അണിയറ പ്രവർത്തകർ.
Read Also: ഇത് ഭ്രമയുഗമാ, കലിയുഗത്തിന്റെ ഒരു അപഭ്രംശം: കൊടുമൺ പോറ്റിയായി മമ്മൂട്ടിയുടെ കൊലചിരി; ഭ്രമയുഗം റിവ്യൂ
