`
യുകെയിലെ വീടുകളുടെ വില ജനുവരിയിൽ പ്രതീക്ഷിച്ചതിലും കൂടുതൽ ഉയർന്നതായി മോർട്ട്ഗേജ് ബാങ്കായ ഹാലിഫാക്‌സ് വെള്ളിയാഴ്ച പ്രസിദ്ധീകരിച്ച കണക്കുകൾ സൂചിപ്പിക്കുന്നു. വീടുകളുടെ വില ശരാശരി റെക്കോർഡ് തുകയായ £300,000 എന്ന നിലയിലെത്തിയതായി ഹാലിഫാക്‌സിന്റെ ഏറ്റവും പുതിയ റിപ്പോർട്ടിൽ പറയുന്നു.
ഡിസംബറിൽ വീടുകളുടെ വില 0.2 ശതമാനം കുറഞ്ഞിരുന്നു. ഡിസംബറിലെ നേരിയ ഇടിവിൽ നിന്ന് ശരാശരി വിലകൾ വർധിക്കുന്നത് “പോസിറ്റീവ്” വളർച്ചയാണെന്ന് ഹാലിഫാക്‌സിന്റെ മോർട്ട്ഗേജ് മേധാവി അമാൻഡ ബ്രൈഡൻ പറഞ്ഞു.
വീടുകളുടെ വില പ്രതിമാസം 0.7 ശതമാനവും പ്രതിവർഷം മൂന്ന് ശതമാനവും വർദ്ധിച്ചു. 2022 സെപ്റ്റംബറിന് ശേഷമുള്ള ഏറ്റവും കൂടുതൽ ഭവന വാങ്ങലുകൾ ഡിസംബറിൽ വായ്പാദാതാക്കൾ അംഗീകരിച്ചതായി ബാങ്ക് ഓഫ് ഇംഗ്ലണ്ടിന്റെ കഴിഞ്ഞ ആഴ്ചത്തെ കണക്കുകൾ കാണിക്കുന്നു.
വീടുകളുടെ ശരാശരി വില 299,138 പൌണ്ട് ആണ്. വീടുകളുടെ വില വർദ്ധിച്ചിട്ടുണ്ടെങ്കിലും വാർഷിക വളർച്ച മൂന്ന് ശതമാനം മാത്രമാണ്. , കഴിഞ്ഞ വർഷം ജൂലൈയ്ക്ക് ശേഷമുള്ള ഏറ്റവും മന്ദഗതിയിലുള്ള വർധനവാണിത്.
