കിണർ വൃത്തിയാക്കാനിറങ്ങിയയാൾ ദേഹാസ്വാസ്ഥ്യത്തെ തുടർന്ന് കിണറിനുള്ളിൽ കുടുങ്ങി. ഫയർ ഫോഴ്സ് എത്തി ഇയാളെ രക്ഷപ്പെടുത്തി പുന്നമൂട് ഹരി എന്നയാളുടെ കിണർ വൃത്തിയാക്കാനെത്തിയ സമീപവാസിയായ സെൽസൺ (48 ) ആണ് കിണറ്റിൽ കുടുങ്ങിയത്.
കിണറ്റിനുള്ളിൽ വച്ച് ദേഹാസ്വാസ്ഥ്യം അനുഭവപ്പെട്ടയാളെ ഫയർ ഫോഴ്സ് എത്തി രക്ഷപ്പെടുത്തി. ഇന്നലെ ഉച്ചയോടെ കിണറ്റിൽ വച്ച് ആരോഗ്യ പ്രശ്നങ്ങൾ കണ്ടതോടെ ഇയാൾക്ക് കരയിലേക്ക് കയറാനായില്ല. പിന്നാലെ വീട്ടുകാർ ഫയർഫോഴ്സിനെ അറിയിക്കുകയായിരുന്നു. വിഴിഞ്ഞത്ത് നിന്നും ഏഴംഗങ്ങളുള്ള ഫയർ ഫോഴ്സ് സംഘം എത്തി ഉടൻ തന്നെ ഇയാളെ കരയിലെത്തിച്ചു.
നെറ്റും റോപ്പും ഉപയോഗിച്ച് കിണറ്റിൽ ഇറങ്ങിയാണ് ഇയാളെ കരയിലെത്തിച്ചത്. കിണറ്റിൽ ശുദ്ധവായു ഉണ്ടായിരുന്നെന്നും സെൽസന് ശാരീരിക ബുദ്ധിമുട്ടുകാരണം കയറാനാകാത്തതായിരുന്നെന്നും ഫയർ ഫോഴ്സ് അറിയിച്ചു.
