തിരുവനന്തപുരം: തൃശൂര് പൂരം കലക്കിയതിന് തിരുവമ്പാടി ദേവസ്വമെന്ന് എഡിജിപി എംആര് അജിത് കുമാറിന്റെ റിപ്പോര്ട്ട്. ലോക്സഭാ തെരഞ്ഞെടുപ്പ് ലക്ഷ്യമിട്ടുകൊണ്ട് തിരുവമ്പാടി ദേവസ്വം മുന്കൂട്ടി തീരുമാനം എടുത്തിരുന്നതായും സുന്ദര് മേനോന്, ഗിരീഷ്, വിജയമേനോന്, ഉണ്ണികൃഷ്ണന്, രവി എന്നിവര് പ്രവര്ത്തിച്ചതായും റിപ്പോർട്ടിൽ പറയുന്നു. പൂരം കലക്കല് അന്വേഷിച്ച എഡിജിപി എംആര് അജിത് കുമാറിന്റെ റിപ്പോർട്ട് ആണ് പുറത്തു വന്നിരിക്കുന്നത്.(Thrissur pooram controversy; adjp MR Ajith kumar’s report)
മുന്നിശ്ചയിച്ച പ്രകാരം പൂരം നിര്ത്തിവച്ചതായി തിരുവമ്പാടി ദേവസ്വം പ്രഖ്യാപിച്ചു. ലോക്സഭാ തെരഞ്ഞെടുപ്പില് സര്ക്കാരിനെ സമ്മര്ദത്തിലാക്കുകയായിരുന്നു ലക്ഷ്യമെന്നും റിപ്പോര്ട്ടില് ചൂണ്ടിക്കാട്ടി. എന്നാല് തെരഞ്ഞെടുപ്പില് നേട്ടമുണ്ടാക്കാന് ശ്രമിച്ചത് ഏത് രാഷ്ട്രീയ പാര്ട്ടിയാണെന്ന് റിപ്പോര്ട്ടില് പരാമർശിച്ചിട്ടില്ല.
ചില രസ്ത്രീയ പാര്ട്ടികള് സര്ക്കാരിനെതിരായി ഇത് ഉപയോഗിച്ചു. ബിജെപി സംസ്ഥാന വൈസ് പ്രസിഡന്റ് ബി ഗോപാലകൃഷ്ണന്, ആര്എസ്എസ് നേതാവ് വല്സന് തില്ലങ്കേരി എന്നിവരുടെ പേരുകള് മൊഴിയുടെ രൂപത്തില് അനുബന്ധമായി റിപ്പോർട്ടിൽ ഉള്പ്പെടുത്തിയിട്ടുണ്ട്.
