റഷ്യ അവരുടെ ആണവനയം മാറ്റിയതിന്റെ പശ്ചാത്തലത്തിൽ യൂറോപ്പിൽ ആണവയുദ്ധത്തിന്റെ ഭീഷണി ഉയർന്നിരിക്കുകയാണ്. ചൊവ്വാഴ്ച, പുടിൻ അവരുടെ ആണവായുധങ്ങൾ ഉപയോഗിക്കുന്നതിനെക്കുറിച്ചുള്ള നയങ്ങൾ പ്രഖ്യാപിച്ചു. European countries warn people of nuclear war.
ഇതിന് പിന്നാലെ, യുക്രൈൻ അമേരിക്കൻ നിർമ്മിത മിസൈലുകൾ റഷ്യക്കെതിരെ ഉപയോഗിച്ചതും നാറ്റോ രാജ്യങ്ങളിലെ യൂറോപ്യൻ രാജ്യങ്ങളെ ആശങ്കയിൽ ആകുന്നുണ്ടെന്ന് റിപ്പോർട്ട് ചെയ്യുന്നു. നിരവധി യൂറോപ്യൻ രാജ്യങ്ങൾ അവരുടെ പൗരന്മാർക്ക് ആണവയുദ്ധത്തെ എങ്ങനെ നേരിടാമെന്ന് സംബന്ധിച്ച ലഘുലേഖകൾ വിതരണം ചെയ്തിട്ടുണ്ട്.
ആണവയുദ്ധത്തിന്റെ മുന്നറിയിപ്പ് ലഭിച്ചാൽ ഉടൻ സുരക്ഷിതമായ സ്ഥലത്ത് അഭയം തേടാൻ സ്വീഡൻ അവരുടെ പൗരന്മാരോട് നിർദ്ദേശിച്ചിരിക്കുന്നു. ഇതിനകം, സ്വീഡൻ യുദ്ധത്തെ നേരിടാനുള്ള മുൻകരുതലുകൾ സംബന്ധിച്ച ലഘുലേഖകൾ ഓരോ വീടുകളിലേക്കും അയച്ചിട്ടുണ്ട്.
രണ്ടാം ലോകമഹായുദ്ധത്തിന് ശേഷം, സ്വീഡൻ അഞ്ചു തവണയാണ് ഇത്തരത്തിലുള്ള ലഘുലേഖകൾ രാജ്യത്തെ എല്ലാ വീടുകളിലേക്കും വിതരണം ചെയ്തത്. ഒരു സമ്പൂർണ്ണ സായുധ യുദ്ധത്തിനായി ഒരാഴ്ചയ്ക്കുള്ളിൽ തയ്യാറെടുക്കാൻ പൗരന്മാരോട് നോർവേ അറിയിച്ചിട്ടുണ്ട്. ഡെൻമാർക്ക്, രാജ്യത്തെ എല്ലാ പൗരന്മാർക്കും ഇ-മെയിൽ അയച്ച് യുദ്ധത്തിനെക്കുറിച്ച് ജാഗ്രത പാലിക്കാൻ മുന്നറിയിപ്പ് നൽകിയിട്ടുണ്ട്.
