യുഎഇയിൽ പല ഭാഗങ്ങളിലും പരക്കെ മഴയ്ക്ക് സാധ്യതയെന്ന് കാലാവസ്ഥാ കേന്ദ്രം അറിയിച്ചു. രാവിലെ 9മണിവരെ അബുദാബിയിൽ മൂടൽമഞ്ഞ് അനുഭവപ്പെടുമെന്നതിനാൽ റെഡ്, യെല്ലോ അലർട്ടുകൾ പ്രഖ്യാപിച്ചു. കാഴ്ചയെ ബാധിക്കുന്ന തരത്തിലുള്ള മൂടൽമഞ്ഞായിരിക്കും അനുഭവപ്പെടുക.
രാവിലെ 9 മണി വരെ ദൂരക്കാഴ്ചയെ ബാധിക്കുന്ന തരത്തിൽ മൂടൽമഞ്ഞ് അനുഭവപ്പെടുമെന്നാണ് ദേശീയ കാലാവസ്ഥ കേന്ദ്രം നൽകിയ അറിയിപ്പ്. ദൂരക്കാഴ്ച കുറയുന്നതിനാൽ വാഹനമോടിക്കുന്നവർ ജാഗ്രത പാലിക്കണമെന്ന് അബുദാബി പൊലീസ് മുന്നറിയിപ്പ് നൽകിയിരുന്നു. മാറിവരുന്ന വേഗപരിധികൾ പാലിക്കണമെന്നും നിർദ്ദേശം നൽകിയിട്ടുണ്ട്.
അതേസമയം ചില റോഡുകളിൽ വേഗപരിധി മണിക്കൂറിൽ 80 കിലോമീറ്ററാക്കി.
അബുദാബി അൽ ഐൻ (അൽ ഖതാം-റസീൻ)
അബുദാബി അൽ ഐൻ (അൽ വാത്ബ-അൽ ഫായ)
അബുദാബി സ്വെയ്ഹാൻ റോഡ് (സിവിൽ ഡിഫൻസ് റൗണ്ടബൗട്ട്-സ്വെയ്ഹാൻ റൗണ്ടബൗട്ട്)
അബുദാബി അൽ ഐൻ (റുമാ-അൽ ഖാസ്ന)
ശൈഖ് മുഹമ്മദ് ബിൻ റാഷിദ് റോഡ് (കിസാദ്-സെയ്ഹ് അൽ സെദിര)
അൽ താഫ് റോഡ് (സ്വെയ്ഹാൻ റൗണ്ടബൗട്ട് – അൽ സാദ്)
സ്വെയ്ഹാൻ റോഡ് (നാഹിൽ-അബുദാബി)
അൽ താഫ് റോഡ് (അൽ സാദ് – അൽ അജ്ബാൻ) എന്നീ റോഡുകളിലാണ് വേഗപരിധിയിൽ മാറ്റമുള്ളത്. ചില കിഴക്ക്, തെക്ക് പ്രദേശങ്ങളിൽ മഴയ്ക്കുള്ള സാധ്യത പ്രവചിക്കുന്നുണ്ട്.
English summary : Red and Yellow Alerts Announced for Haze in UAE; Meteorological Center says there is a chance of rain; Motorists should exercise caution
