ഇരുമ്പ് കമ്പി ട്രാക്കിൽ വെച്ച് ട്രെയിൻ പാളം തെറ്റിച്ച് അപകടമുണ്ടാക്കി കവർച്ച നടത്താൻ ശ്രമിച്ച രണ്ട് പേർ പിടിയിൽ. ഗുജറാത്തിലെ കുന്ത്ലിയിലുണ്ടായ സംഭവത്തിൽ ഗുജറാത്ത് സ്വദേശികളായ രമേശ്, ജയേഷ് എന്നിവരാണ് പിടിയിലായത്. Two people were arrested for trying to rob the train by derailing it
സംഭവത്തിന് പിന്നാലെ മണിക്കൂറുകളോളം യാത്ര നിർത്തിവെക്കുകയായിരുന്നു.പാളത്തിൽ ഇരുമ്പ് കമ്പി വെച്ച് അപകടമുണ്ടാക്കിയ ശേഷം യാത്രക്കാരെ കൊള്ളയടിക്കുകയായിരുന്നു സംഘത്തിന്റെ ലക്ഷ്യം. സെപ്റ്റംബർ 25ന് പുലർച്ചെ മൂന്ന് മണിയോടെയായിരുന്നു സംഭവം.
റാൻപൂർ പൊലീസ് സ്റ്റേഷൻ പരിധിയിലൂടെ സഞ്ചരിക്കുന്ന ഓഖ ഭാവ്നഗർ ട്രെയിനായിരുന്നു ആക്രമികളുടെ ലക്ഷ്യം. ട്രാക്കിന് നടുവിൽ കുത്തിനിർത്തിയ കമ്പിയിൽ ട്രെയിൻ ഇടിച്ചു. ഇരുമ്പ് കമ്പിയിൽ തട്ടിയെങ്കിലും പാളം തെറ്റാതിരുന്നത് മൂലമാണ് ദുരന്തം ഒഴിവായത്. സംഭവത്തിൽ അന്വേഷണം നടക്കുകയാണ്.
