ചെവിക്കായം കട്ടയാകുന്നതും അതുമൂലം ഉണ്ടാകുന്ന കേൾവിക്കുറവും പലരും നേരിടുന്ന പ്രശ്നങ്ങളാണ്. പ്രായം കൂടുമ്പോൾ ബാഹ്യ കർണനാളിയിലെ രോമങ്ങൾക്ക് കട്ടി കൂടുന്നതും നീളം വയ്ക്കുന്നതും ചെവിക്കായം പുറത്തു പോകുന്നതിന് തടസമാകാറുണ്ട്. Earwax and remedies in home and hospital
ചെവിക്കായം അടിഞ്ഞ് ചെവിയിൽ അസ്വസ്ഥതകൾ തുടങ്ങുന്നതോടെ പലരും ഇയർ ബഡ്സുകളെ ആശ്രയിക്കാറുണ്ട് ഇത് പ്രശ്നങ്ങൾ കൂടുതൽ സങ്കീർണമാക്കും ചെവിക്കായം കൂടുതൽ അകത്തേയ്ക്ക് കടന്നു പോകുന്നതിന് ബഡ്സ് ഉപയോഗം കാരണമാകാം.
ചെവിക്കുള്ളിലെ തൊലിയിൽ മറിവുണ്ടാകുന്നതിന് ബഡ്സ് ചെവിയിൽ കടത്തുന്നത് കാരണമാകും. ചെവിത്തോണ്ടി സേഫ്റ്റി പിൻ തുടങ്ങിയവ ചെവിക്കുള്ളിലേയ്ക്ക് കടത്തുന്നതും പ്രശ്നം വഷളാക്കും.
ഇയർ പ്ലഗ്ഗുകൾ, ഇയർ മഫ് തുടങ്ങിയ വസ്തുക്കളുടെ ഉപയോഗവും ചെവിക്കായം കൂടുതൽ ഉള്ളിലേക്ക് പോകാൻ കാരണമാകും.
ചെവിക്കായം കട്ടിയായാൽ ഇ.എൻ.ടി. വിദഗ്ദ്ധന്റെ സേവനം ഉടൻ തേടണം തുടർന്ന് അലിയാനുള്ള മരുന്ന് ഡോക്ടർ നിർദേശിക്കും.
ദിവസങ്ങളോളം മരുന്ന് ഒഴിച്ചു കഴിഞ്ഞാൽ ഡോക്ടർ തന്നെ ചെവിക്കായം നീക്കം ചെയ്യും. ചെവിക്കായം നീക്കിയ ശേഷം ചിലർക്ക് ബാലൻസ് നഷ്ടപ്പെടാൻ ഇടയുള്ളതിനാൽ ബൈസ്റ്റാൻഡറുടെ സാനിധ്യത്തിലാകും ചെവിക്കായം നീക്കുക.
ചെവിക്കായം അലിയിച്ചു കളയാനുള്ള വാക്സ് സോഫ്റ്റ്നറുകളും ലഭ്യമാണ്. വിദഗ്ദ്ധരുടെ നിർദേശത്തോടെ മാത്രം ഉപയോഗിക്കുക.
