കുഞ്ഞിനെ മാറ്റുന്നതിനായി കൂട്ടിൽ പ്രവേശിച്ചു;ഹിപ്പൊപ്പൊട്ടാമിസിന്റെ ആക്രമണത്തിൽ മൃ​ഗശാല ജീവനക്കാരന് ദാരുണാന്ത്യം

റാഞ്ചി: മൃ​ഗശാലയിൽ ഹിപ്പൊപ്പൊട്ടാമിസിന്റെ ആക്രമണത്തിൽ ജീവനക്കാരന് ദാരുണാന്ത്യം. റാഞ്ചിയിലെ ഭഗ്‌വാൻ ബിര്‍സ ബയോളജിക്കല്‍ പാര്‍ക്കിലെ കെയര്‍ ടേക്കര്‍ സന്തോഷ് കുമാര്‍ മഹ്‌തോ (54) ആണ് മരണപ്പെട്ടത്.A zoo employee died after being attacked by a hippopotamus

കുഞ്ഞിനെ മാറ്റുന്നതിനായി കൂട്ടിൽ പ്രവേശിച്ച സന്തോഷിനെ അമ്മ ഹിപ്പൊപ്പൊട്ടാമസ് ആക്രമിക്കുകയായിരുന്നു.

ആക്രമണത്തിൽ ​ഗുരുതരമായി പരിക്കേറ്റ സന്തോഷിനെ ഉടൻ തന്നെ റാഞ്ചിയിലെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.

സന്തോഷ് കുമാര്‍ മഹ്‌തോ ഞായറാഴ്ച രാവിലെയോടെ മരിക്കുകയായിരുന്നു. സംഭവത്തിൽ അന്വേഷണം ആരംഭിച്ചതായി പൊലീസ് അറിയിച്ചു.”