ഈ വണ്ട് ഒരെണ്ണം വീട്ടിലെത്തിയാൽ ലക്ഷപ്രഭു; രണ്ടെണ്ണം എത്തിയാൽ കോടീശ്വരൻ; ഇനി ഈ വിചിത്ര പ്രാണിയെ തേടി പോകാം

ലോകത്തിലെ തന്നെ ഏറ്റവും വിലകൂടിയ പ്രാണിയായ സ്റ്റാഗ് വണ്ടുകളുടെ വലിപ്പം രണ്ടോ മൂന്നോ ഇഞ്ച് മാത്രമാണ്. ഈ വണ്ടിനായി കോടികൾ ചെലവഴിക്കാനും ആളുകൾ ഇപ്പോൾ തയ്യാറാണ്. The most expensive insect in the world, stag beetles are only two to three inches long

കാരണം അപൂർവയിനത്തിൽപ്പെട്ട ഒരു പ്രാണി എന്നതിലുപരി ഭൂമിയിലെ ഏറ്റവും ചെറുതും വിചിത്രവുമായ പ്രാണികളിൽ ഒന്നാണിത്. പ്രായപൂർത്തിയായ സ്റ്റാഗ് വണ്ടുകൾ ജീർണിച്ച പഴങ്ങളിൽ നിന്നുള്ള മധുരമുള്ള ദ്രാവകമാണ് പൊതുവെ ഭക്ഷിക്കുന്നത് എന്ന് നാഷണൽ ഹിസ്റ്ററി മ്യൂസിയം പറയുന്നു. 

അവയ്ക്ക് മറ്റു ഭക്ഷണങ്ങൾ കഴിക്കാൻ സാധിക്കാത്തതുകൊണ്ട് ഇത്തരം പഴങ്ങളിൽ നിന്നുള്ള പാനീയങ്ങളെ മാത്രം ആശ്രയിച്ച് ഇവ ജീവിക്കുന്നു.

എന്നാൽ ഈ വണ്ടുകളുടെ ലാർവകൾ ജീർണ്ണിച്ച മരക്കഷണങ്ങളാണ് ഭക്ഷിക്കുന്നത്. ഇത് ചുരണ്ടാൻ അവയുടെ മൂർച്ചയുള്ള താടിയെല്ലുകൾ ഉപയോഗിക്കുകയും ചെയ്യാറുണ്ട്. വെളുത്ത പൂപ്പൽ ബാധിച്ച് ദ്രവിച്ച മരക്കഷണങ്ങളിലെ ഫംഗസുകളെയും ചെറുജീവികളെയും ഇവയുടെ ലാർവകൾ ഭക്ഷണമാക്കാറുണ്ട്.
ഇതിൻ്റെവില എത്രയെന്ന് അല്ലേ? 75 ലക്ഷം രൂപ. എന്തായിരിക്കും ഈ പ്രാണിക്കിത്ര വില വരാൻ കാരണം ? അറിയാം..

ഉഷ്ണമേഖലകളിൽ കണ്ടുവരുന്ന ഒരു തരം വണ്ടുകളാണ് സ്റ്റാഗ് വണ്ടുകൾ. വനപ്രദേശങ്ങളിലും ഉഷ്ണമേഖലാ പൂന്തോട്ടങ്ങളിലുമായാണ് ഇവയെ കൂടുതലായും കാണപ്പെടുന്നത്. പൊതുവെ തണുപ്പിനോട് ഇവ പൊരുത്തപ്പെടാറില്ല. 2 ഗ്രാം മുതൽ 6 ഗ്രാം വരെയാണ് ഇവയുടെ ഭാരം വരുന്നത്. 30 മുതൽ 50 മില്ലിമീറ്റർ വരെയാണ് ഇവയുടെ നീളം. മൂന്ന് വർഷം മുതൽ 7 വർഷം വരെയുള്ള ചുരുങ്ങിയ ജീവിത കാലയളവാണ് ഈ പ്രാണികൾക്കുള്ളത്. എങ്കിലും വിദേശ രാജ്യങ്ങളിൽ ഇവയ്‌ക്ക് 75 ലക്ഷം രൂപയാണ് വിലയിട്ടിയിരിക്കുന്നത്.

നിരവധി പഠനങ്ങൾക്ക് ഉപയോഗിക്കുന്ന ഒരു പ്രാണിയാണിത്. ഇവയെ കുറിച്ചുള്ള പഠനങ്ങൾ ഇപ്പോഴും വിവിധ രാജ്യങ്ങളിൽ തുടരുന്നു. എന്നാൽ ചിലർ ഈ പ്രാണികളെ ഒരു ഭാഗ്യ ചിഹ്നമായി കണക്കാക്കുന്നു. വളര വിരളമായി കാണപ്പെടുന്ന ഇവയ്‌ക്ക് അതിനാൽ തന്നെ വിലയുമേറുന്നു.

ഉണങ്ങിയ മരങ്ങളിലെ നീര്, ചീഞ്ഞ പഴങ്ങളുടെ നീര് മുതലായവയാണ് ഇവയുടെ പ്രധാന ഭക്ഷണം. അതിനാൽ ഇവ സസ്യജാലങ്ങൾക്കോ പഴവർഗങ്ങൾക്കോ ഭീഷണിയല്ലെന്നാണ് പഠനങ്ങളിൽ പറയുന്നത്.