പി സി ജോർജിന്റെ കേരള ജനപക്ഷം (സെക്യുലർ) ബി.ജെ.പി. ഔദ്യോഗിക ലയനം ഇന്ന്. പ്രധാനമന്ത്രി നരേന്ദ്ര മോദിയുടെ സാന്നിധ്യത്തിലായിരിക്കും തിരുവനന്തപുരത്ത് ലയന പ്രഖ്യാപനം. ബി.ജെ.പി. സംസ്ഥാന അധ്യക്ഷൻ കെ. സുരേന്ദ്രൻ അധ്യക്ഷത വഹിക്കുന്ന ചടങ്ങിൽ ഷോൺ ജോർജ് ഉൾപ്പെടെയുള്ള സംസ്ഥാന ഭാരവാഹികളും 112 സംസ്ഥാന കമ്മിറ്റി അംഗങ്ങളും ചടങ്ങിൽ വെച്ച് ബിജെപി അംഗത്വം സ്വീകരിക്കും. പി.സി. ജോർജ്, വർക്കിംഗ് ചെയർമാൻ ഇ.കെ. ഹസ്സൻകുട്ടി, ജനറൽ സെക്രട്ടറിമാരായ സെബി പറമുണ്ട, പ്രൊഫ. ജോസഫ് റ്റി ജോസ്, വൈസ് പ്രസിഡന്റുമാരായ എം.എസ്. നിഷാ, സജി എസ്. തെക്കേൽ, അഡ്വ. സുബീഷ് പി.എസ്., പി.വി. വർഗീസ് പുല്ലാട്ട്, തുടങ്ങിയവർ പങ്കെടുക്കും. പ്രധാനമന്ത്രി നരേന്ദ്ര മോദിയുടെ നിലവാരം കണക്കിലെടുത്ത് അദ്ദേഹത്തെ പിന്തുണയ്ക്കുക എന്നതാണ് പാർട്ടി പ്രവർത്തകരുടെ പൊതുവികാരമെന്ന് ജോർജ്ജ് മാധ്യമപ്രവർത്തകരോട് പറഞ്ഞു.
Read Also: കുർബാനയ്ക്കിടെ വീഞ്ഞിൽ വിഷം കലർത്തി വൈദികനെ കൊലപ്പെടുത്താൻ ശ്രമം !
