പോയ വർഷം മലയാളത്തില് ഇറങ്ങിയ മികച്ച ത്രില്ലറുകളില് ഒന്നാണ് ആട്ടം. തിയേറ്റര് ആര്ട്ടിസ്റ്റുകളുടെ ജീവിതത്തിലൂടെ നീങ്ങുന്ന സിനിമയുടെ ആഖ്യാന ഭംഗിക്ക് മികച്ച പ്രതികരണങ്ങളാണ് പ്രേക്ഷകരില് നിന്നും മറ്റും ലഭിച്ചത്. ഇപ്പോൾ, ചിത്രം കണ്ട മെഗാസ്റ്റാര് മമ്മൂട്ടിയുടെ പ്രതികരണം പങ്കുവെക്കുകയാണ് ചിത്രത്തിലെ കഥാപാത്രമായ നടൻ വിനയ് ഫോര്ട്ട്. ചിത്രം കണ്ട് മമ്മൂക്ക പ്രതികരണം അറിയിച്ചെന്നും, ആട്ടം സിനിമയുടെ അണിയറപ്രവര്ത്തകരെയെല്ലാം വീട്ടിലേക്ക് ക്ഷണിച്ചെന്നും വിനയ് ഫോര്ട്ട് ഫേസ്ബുക്കില് പങ്കുവെച്ച കുറിപ്പില് വ്യക്തമാക്കുന്നു.
ഫേസ്ബുക്ക് കുറിപ്പ്:
മമ്മൂക്ക! ഈ കരുതലിനും സ്നേഹത്തിനും ഞങ്ങള്ക്ക് തീര്ത്താല് തീരാത്ത നന്ദിയാണ്. ആട്ടം മമ്മൂക്ക കണ്ടു. ഒരുപാട് ഇഷ്ടപ്പെട്ടു. എല്ലാവരോടും വീട്ടിലേക്ക് വരാൻ പറഞ്ഞു. ഓരോരുത്തരേയും നിറഞ്ഞ സന്തോഷത്തോടെ അഭിനന്ദിച്ചു. ഞങ്ങള്ക്കൊപ്പം നിറഞ്ഞ ചിരിയോടെ വേണ്ടുവോളം ഫോട്ടോകള് എടുത്തു. ഇതെല്ലാം ഞങ്ങള്ക്ക് സ്വപ്നം കാണാവുന്നതിലും അപ്പുറമാണ്. കൈ തന്ന് ‘നല്ല സിനിമയാണ് ‘ എന്ന് സാക്ഷാല് മമ്മൂക്ക പറഞ്ഞപ്പോള് ഞങ്ങള് വീണ്ടും ഓര്ത്തു- സുകൃതം!
ആട്ടം കാണാത്തവര് നിങ്ങളുടെ തൊട്ടടുത്ത തിയേറ്ററുകളില് കാണണം എന്ന് ഞങ്ങള് എല്ലാവരും അതിയായി ആഗ്രഹിക്കുന്നു. മമ്മൂക്ക’യ്ക്ക് സിനിമ കാണാൻ കാര്യങ്ങള് ഒരുക്കിയ ശാജോണ് ചേട്ടന് ആയിരം ഉമ്മകള്.
