തെലങ്കാനയിൽ 2.5 ലക്ഷം, കേരളത്തിൽ 70,000! രാജ്യത്തെ മറ്റ് സംസ്ഥാനങ്ങളിലെ എംഎൽഎമാരുടെ ശമ്പളവുമായി താരതമ്യം ചെയ്യുമ്പോൾ

തിരുവനന്തപുരം: പതിനാറാം കേരള നിയമസഭയിലെ അംഗങ്ങളുടെ സത്യപ്രതിജ്ഞാ ചടങ്ങുകൾ ഇന്ന് നടക്കുന്നതിനിടെ എംഎൽഎമാരുടെ ശമ്പളവും ആനുകൂല്യങ്ങളും വീണ്ടും ചർച്ചയാകുന്നു. ജനങ്ങളുടെ പ്രതിനിധികളായി നിയമസഭയിൽ പ്രവർത്തിക്കുന്ന അംഗങ്ങൾക്ക് ശമ്പളത്തിനൊപ്പം വിവിധ അലവൻസുകളും പ്രത്യേക സൗകര്യങ്ങളും ലഭിക്കുന്നുണ്ട്.

കേരളത്തിൽ ഒരു എംഎൽഎയുടെ അടിസ്ഥാന ശമ്പളം 2000 രൂപ മാത്രമാണ്. എന്നാൽ വിവിധ അലവൻസുകൾ ഉൾപ്പെടുമ്പോഴാണ് മൊത്തം പ്രതിമാസ വരുമാനം ഉയരുന്നത്.

എംഎൽഎമാർക്ക് ലഭിക്കുന്ന പ്രധാന അലവൻസുകൾ

മണ്ഡല അലവൻസ് – 25,000 രൂപ
ടെലിഫോൺ അലവൻസ് – 11,000 രൂപ
വിവരസാങ്കേതിക അലവൻസ് – 4,000 രൂപ
അതിഥി സൽക്കാര അലവൻസ് – 8,000 രൂപ
യാത്രാബത്ത – 2,000 രൂപ

ഇവയെല്ലാം ചേർന്ന് ഒരു എംഎൽഎയ്ക്ക് പ്രതിമാസം ഏകദേശം 70,000 രൂപ ലഭിക്കും.

മറ്റ് ആനുകൂല്യങ്ങൾ

ശമ്പളത്തിന് പുറമെ എംഎൽഎമാർക്ക് വിവിധ അധിക സൗകര്യങ്ങളും അനുവദിക്കുന്നുണ്ട്.

കേരളത്തിനകത്തും മറ്റ് സംസ്ഥാനങ്ങളിലേക്കുമുള്ള യാത്രകൾക്കായി കിലോമീറ്ററിന് 10 രൂപ നിരക്കിൽ ഇന്ധന അലവൻസ്
കെ.എസ്.ആർ.ടി.സി ബസുകളിൽ സൗജന്യ യാത്ര
40 ലക്ഷം രൂപ വരെ അപകട ഇൻഷുറൻസ്
സ്റ്റാഫ് അലവൻസ് ആയി 20,000 രൂപ
പലിശരഹിത വാഹന വായ്പ സൗകര്യം

ജനപ്രതിനിധികളുടെ ഔദ്യോഗിക പ്രവർത്തനങ്ങൾ സുഗമമാക്കുന്നതിനായാണ് ഈ ആനുകൂല്യങ്ങൾ അനുവദിച്ചിരിക്കുന്നത്.

മറ്റ് സംസ്ഥാനങ്ങളിലെ എംഎൽഎ ശമ്പളം

രാജ്യത്തെ വിവിധ സംസ്ഥാനങ്ങളിൽ എംഎൽഎമാരുടെ ശമ്പളത്തിൽ വലിയ വ്യത്യാസമുണ്ട്.

തെലങ്കാന – 2,50,000 രൂപ
ബിഹാർ – 1,65,000 രൂപ
മഹാരാഷ്ട്ര – 1,60,000 രൂപ
ഡൽഹി, മധ്യപ്രദേശ് – ഏകദേശം 2,10,000 രൂപ
തമിഴ്നാട് – 1,05,000 രൂപ
ത്രിപുര, മേഘാലയ – ഏകദേശം 20,000 രൂപ

English Summary

As the oath-taking ceremony of the 16th Kerala Legislative Assembly takes place, details regarding the salary and benefits of MLAs have gained attention. While the basic salary is low, various allowances and benefits increase the total monthly earnings significantly.