കോൺക്രീറ്റ് മിക്സർ ലോറി ബി എം ഡബ്ല്യു കാറിന് മുകളിലേക്ക് മറിഞ്ഞു: ഹൈക്കോടതി അഭിഭാഷകന് ദാരുണാന്ത്യം
ഹൈദരാബാദ്: ആഡംബര കാറിന് മുകളിലേക്ക് കോൺക്രീറ്റ് മിക്സർ ലോറി മറിഞ്ഞുണ്ടായ അപകടത്തിൽ പ്രമുഖ അഭിഭാഷകൻ മരിച്ചു. ആന്ധ്ര പ്രദേശ് ഹൈക്കോടതിയിലെ അഭിഭാഷകനായ ബി. ശ്രീനിവാസ് റാവുയാണ് മരിച്ചത്.
ഹൈദരാബാദ്–വിജയവാഡ ദേശീയപാതയിൽ ശനിയാഴ്ച വൈകിട്ടാണ് ദാരുണമായ അപകടം നടന്നത്. നിയന്ത്രണം നഷ്ടപ്പെട്ട റെഡി-മിക്സ് കോൺക്രീറ്റ് ടാങ്കർ ലോറി, ശ്രീനിവാസ് റാവു സഞ്ചരിച്ചിരുന്ന കാറിന് മുകളിലേക്ക് മറിഞ്ഞുവീണതായി പൊലീസ് അറിയിച്ചു.
അപകടത്തിൽ കാർ പൂർണമായും തകർന്നതോടെ അഭിഭാഷകൻ സംഭവസ്ഥലത്തുവെച്ചുതന്നെ മരിച്ചു. ലോറിയുടെ നിയന്ത്രണം നഷ്ടപ്പെട്ടതെങ്ങനെയെന്നത് ഉൾപ്പെടെ സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് അധികൃതർ വ്യക്തമാക്കി.
English Summary
A tragic accident on the Hyderabad–Vijayawada highway claimed the life of advocate B. Srinivas Rao of the Andhra Pradesh High Court. A ready-mix concrete tanker lost control and overturned onto his car, completely crushing it. Authorities have launched an investigation into the incident.
