അച്ഛനെയും മകനെയും തല്ലിക്കൊന്ന പോലീസുകാർക്ക് തൂക്കുകയർ; സാത്താൻകുളം കേസിൽ ചരിത്രവിധി; വഴിത്തിരിവായത് രേവതിയുടെ ധീരത!
ചെന്നൈ: തമിഴ്നാട്ടിലെ സാത്താൻകുളം പൊലീസ് സ്റ്റേഷനിൽ കസ്റ്റഡി മർദ്ദനത്തിനിടെ അച്ഛനും മകനും മരിച്ച കേസിൽ ഒൻപത് പൊലീസ് ഉദ്യോഗസ്ഥർക്കു മദ്രാസ് ഹൈക്കോടതി വധശിക്ഷ വിധിച്ചു.
ഈ കേസിൽ നിർണായകമായ വഴിത്തിരിവായി മാറിയത് ഹെഡ് കോൺസ്റ്റബിൾ രേവതിയുടെ ധീരമായ മൊഴിയായിരുന്നു.
2020-ൽ കോവിഡ് നിയന്ത്രണങ്ങൾ ലംഘിച്ച് കട തുറന്നെന്നാരോപിച്ച് പി. ജയരാജിനെയും മകൻ ജെ. ബെന്നിക്സിനെയും പൊലീസ് കസ്റ്റഡിയിലെടുത്തിരുന്നു. സ്റ്റേഷനിൽ വെച്ച് നടത്തിയ ക്രൂര മർദ്ദനത്തിനിടെ രേവതി ഡ്യൂട്ടിയിലുണ്ടായിരുന്നു.
സ്റ്റേഷനിൽ നിന്ന് കേട്ട നിലവിളികളും രക്തത്തിൽ കുളിച്ച നിലയിലായിരുന്ന ഇരകളുടെ അവസ്ഥയും ഇൻസ്പെക്ടറുടെ നടപടികളും അവർ മജിസ്ട്രേറ്റിന് മുമ്പാകെ വെളിപ്പെടുത്തി. ഉദ്യോഗസ്ഥർ മദ്യപിച്ച നിലയിൽ മർദ്ദിച്ചതും, ബൂട്ടിട്ട് ചവിട്ടിയതും, ഇരകളെ നഗ്നരാക്കി പീഡിപ്പിച്ചതുമെല്ലാം അവർ വിശദീകരിച്ചു.
മൊഴി നൽകുന്നതിനിടെ രേവതി ഭീഷണികളും സമ്മർദ്ദങ്ങളും നേരിട്ടു. സഹപ്രവർത്തകർ മൊഴി നൽകരുതെന്ന് ഭീഷണിപ്പെടുത്തിയിരുന്നുവെങ്കിലും, മജിസ്ട്രേറ്റിന്റെ സുരക്ഷാ ഉറപ്പിന് ശേഷമാണ് അവർ മുഴുവൻ സത്യം തുറന്നു പറഞ്ഞത്.
സിസിടിവി ദൃശ്യങ്ങളും രേവതിയുടെ മാപ്പുസാക്ഷ്യവും ചേർന്നാണ് കേസ് ശക്തമായത്. തുടർന്ന് കോടതി കുറ്റക്കാരായ ഒൻപത് പൊലീസ് ഉദ്യോഗസ്ഥർക്കും വധശിക്ഷ വിധിച്ചു.
English Summary
In the Sathankulam custodial death case in Tamil Nadu, nine police officials have been sentenced to death by the Madras High Court.
The turning point in the case was the courageous testimony of head constable Revathi, who exposed the brutal custodial torture of a father and son in 2020.
Despite threats and pressure, Revathi revealed the truth, supported by CCTV evidence, leading to the conviction of the officers.
