ഷാർജയിൽ മലയാളി യുവാവിനെ കുത്തിക്കൊലപ്പെടുത്തി; സഹപ്രവർത്തകൻ അറസ്റ്റിൽ
ഷാർജ: യുഎഇയിലെ ഷാർജയിൽ ജോലിസ്ഥലത്തെ തർക്കം കൊലപാതകത്തിൽ കലാശിച്ചു. കോഴിക്കോട് താമരശ്ശേരി ചാലക്കര സ്വദേശി നിഷാദ് ആണ് കുത്തേറ്റ് മരിച്ചത്.
സംഭവവുമായി ബന്ധപ്പെട്ട് നിഷാദിന്റെ സഹപ്രവർത്തകനായ കരുവമ്പൊയിൽ സ്വദേശി ഷമീറിനെ ഷാർജ പൊലീസ് അറസ്റ്റ് ചെയ്തു. ഇരുവരും ഒരേ കഫ്തീരിയയിൽ ദീർഘകാലമായി ജോലി ചെയ്തുവരികയായിരുന്നു.
ജോലിക്കിടെ ഉണ്ടായ വാക്കുതർക്കം ആക്രമണത്തിലേക്ക് വഴിമാറിയതായാണ് പ്രാഥമിക വിവരം. തുടർന്ന് കുത്തേറ്റ് ഗുരുതരമായി പരിക്കേറ്റ നിഷാദ് മരണത്തിന് കീഴടങ്ങുകയായിരുന്നു.
സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് ഷാർജ പൊലീസ് അറിയിച്ചു.
English Summary
A Malayali youth, Nishad from Kozhikode, was stabbed to death in Sharjah following a workplace dispute. His colleague Shameer has been arrested in connection with the incident. Police have launched a detailed investigation.
