മസ്കത്തിൽ മിന്നൽ പ്രളയം; മലവെള്ളപ്പാച്ചിലിൽ രണ്ട് മലയാളികൾ മരിച്ചു, ഒരാളെ കാണാതായി
Muscat: മിന്നൽ പ്രളയത്തെ തുടർന്നുണ്ടായ മലവെള്ളപ്പാച്ചിലിൽ രണ്ട് മലയാളികൾ മരിച്ചു. പാലക്കാട് തൃത്താല കൂറ്റനാട് സ്വദേശികളായ തച്ചറത്തൊടിയിൽ യൂസഫ് (38), തൃത്താല കോട്ടപ്പാടം സ്വദേശി മാളിയേക്കൽ ഷംല (32) എന്നിവരാണ് മരിച്ചത്.
അപകടത്തിൽ യൂസഫിന്റെ മാതാവ് റംലയെ കാണാതായി. റംലയ്ക്കായി തിരച്ചിൽ തുടരുകയാണ്.
South Al Batinahയിലെ Wadi Al Mawal പ്രദേശത്താണ് ദുരന്തമുണ്ടായത്. ശക്തമായ മഴയെ തുടർന്ന് ഉണ്ടായ മലവെള്ളപ്പാച്ചിലാണ് അപകടത്തിന് കാരണമായത്.
മഴ ശക്തമായ സാഹചര്യത്തിൽ താഴ്ന്ന പ്രദേശങ്ങളിലൂടെയുള്ള യാത്രകൾക്ക് ഒമാൻ അധികൃതർ നിയന്ത്രണം ഏർപ്പെടുത്തിയിട്ടുണ്ട്.
ഒമാനിലെ ഇൻകാസ് നേതാവ് ലുബിഷാദിന്റെ ഭാര്യയാണ് ഷംല. യൂസഫിന്റെയും ലുബിഷാദിന്റെയും കുടുംബങ്ങൾ ഒരുമിച്ച് പെരുന്നാൾ ആഘോഷിക്കാൻ പോയതായിരുന്നു.
ഒഴുക്കിൽപ്പെട്ട വാഹനത്തിൽ ഒൻപത് പേരുണ്ടായിരുന്നു. നാലു കുട്ടികൾ ഉൾപ്പെടെ ആറുപേർ രക്ഷപ്പെട്ടു.
English Summary
Two Malayali expatriates died in a flash flood caused by heavy rains in Muscat, Oman. The incident occurred in Wadi Al Mawal in South Al Batinah. One more person is missing, and search operations are ongoing. Six people, including four children, were rescued from the vehicle caught in the flood.
