പുതു യുഗയാത്ര വേദിയിൽ രാഹുൽ ഗാന്ധിയുടെ പ്രഖ്യാപനം; കേരളത്തിന് 5 വാഗ്ദാനങ്ങൾ
തിരുവനന്തപുരം: കേരളത്തിന് അഞ്ച് പ്രധാന ക്ഷേമ പദ്ധതികൾ പ്രഖ്യാപിച്ച് കോൺഗ്രസ് നേതാവ് രാഹുൽ ഗാന്ധി.
പുതു യുഗയാത്രയുടെ സമാപന സമ്മേളനം തിരുവനന്തപുരം പുത്തരിക്കണ്ടം മൈതാനിയിൽ ഉദ്ഘാടനം ചെയ്യവേയാണ് അദ്ദേഹം പ്രഖ്യാപനങ്ങൾ നടത്തിയത്.
1. സ്ത്രീകൾക്കും വിദ്യാർത്ഥിനികൾക്കും സഹായം
കെഎസ്ആർടിസി ബസുകളിൽ സ്ത്രീകൾക്ക് സൗജന്യ യാത്ര നൽകുമെന്ന് രാഹുൽ ഗാന്ധി ഉറപ്പുനൽകി.
കൂടാതെ കോളജ് വിദ്യാർത്ഥിനികൾക്ക് മാസം 1000 രൂപ ധനസഹായവും നൽകുമെന്ന് പ്രഖ്യാപിച്ചു.
2. ക്ഷേമപെൻഷൻ വർധിപ്പിക്കും
സംസ്ഥാനത്തെ ക്ഷേമപെൻഷൻ മാസം 3000 രൂപയായി ഉയർത്തുമെന്ന് അദ്ദേഹം പറഞ്ഞു.
3. ആരോഗ്യ ഇൻഷുറൻസ് പദ്ധതി
ഒരു കുടുംബത്തിന് 25 ലക്ഷം രൂപവരെ ആരോഗ്യ ഇൻഷുറൻസ് നൽകുന്ന പദ്ധതിയും നടപ്പാക്കുമെന്ന് പ്രഖ്യാപനത്തിൽ ഉൾപ്പെടുത്തി.
4. യുവാക്കൾക്ക് പലിശരഹിത വായ്പ
പുതിയ സംരംഭങ്ങൾ ആരംഭിക്കാൻ യുവാക്കൾക്ക് 5 ലക്ഷം രൂപവരെ പലിശരഹിത വായ്പ നൽകുമെന്നും രാഹുൽ ഗാന്ധി പറഞ്ഞു.
5. മുതിർന്ന പൗരൻമാർക്ക് പ്രത്യേക വകുപ്പ്
മുതിർന്ന പൗരന്മാരുടെ ക്ഷേമത്തിനായി പ്രത്യേക വകുപ്പ് ആരംഭിക്കുമെന്നും അദ്ദേഹം പ്രഖ്യാപിച്ചു.
English Summary:
Congress leader and leader of opposition of Lok Sabha Rahul Gandhi announced five key welfare promises for Kerala during the closing event of the Puthu Yugam Yatra in Thiruvananthapuram. The proposals include free KSRTC bus travel for women, ₹1,000 monthly support for female college students, increasing welfare pensions to ₹3,000, health insurance up to ₹25 lakh per family, and interest-free loans up to ₹5 lakh for youth to start businesses. A separate department for senior citizens was also promised.
