ജയിലിൽ നിന്ന് വന്ന് നേരെ ക്ലാസ് എടുത്തു; ക്രിസ്ത്യൻ മതത്തിലേക്ക് മാറുമോ എന്ന് എല്ലാവരും ചോദിച്ചു – ശാലു മേനോൻ

ജയിലിൽ നിന്ന് വന്ന് നേരെ ക്ലാസ് എടുത്തു; ക്രിസ്ത്യൻ മതത്തിലേക്ക് മാറുമോ എന്ന് എല്ലാവരും ചോദിച്ചു – ശാലു മേനോൻ

നർത്തകിയും നടിയുമായ ശാലു മേനോൻ സോളാർ കേസുമായി ബന്ധപ്പെട്ട വിവാദങ്ങൾക്ക് പിന്നാലെ ജയിലിലായിരുന്ന കാലത്തെ അനുഭവങ്ങൾ തുറന്നുപറഞ്ഞു.

2013-ൽ സോളാർ കേസിലെ മുഖ്യപ്രതികളുമായി ബന്ധമുണ്ടെന്ന ആരോപണത്തെ തുടർന്ന് അറസ്റ്റിലായ ശാലു 49 ദിവസം ജയിലിലായിരുന്നു.

ജയിലിലെ ദിവസങ്ങളെക്കുറിച്ച് സംസാരിക്കുമ്പോൾ, തനിക്ക് ഏറ്റവും വലിയ പിന്തുണ നൽകിയതമ്മയും അമ്മൂമ്മയും വിദ്യാർത്ഥികളും അവരുടെ മാതാപിതാക്കളുമാണെന്ന് ശാലു പറഞ്ഞു.

“അമ്മ എന്നെ കാണാൻ വരുമ്പോൾ കുട്ടികളും അവരുടെ മാതാപിതാക്കളും വീട്ടിലെത്തി അമ്മയെ കാണുന്നുവെന്ന് പറയുമായിരുന്നു. അത് കേൾക്കുമ്പോൾ എനിക്ക് ആശ്വാസമുണ്ടായിരുന്നു.

എന്നാൽ ആരും എന്നെ കാണാൻ ജയിലിൽ വരരുതെന്ന് ഞാൻ പറഞ്ഞിരുന്നു. ചില സാഹചര്യങ്ങൾ താങ്ങാൻ പ്രയാസമാകാം,” അവർ പറഞ്ഞു.

“അമ്മയിൽ നിന്ന് ഒരിക്കലും അകന്നുനിന്നിട്ടില്ല. അതിനാൽ എന്താകും എന്ന ആശങ്ക അവർക്കുണ്ടായിരുന്നു. തെറ്റ് ചെയ്തിട്ടില്ലെങ്കിൽ പേടിക്കേണ്ട കാര്യമില്ലെന്നാണ് ഞാൻ കരുതിയത്.

ആദ്യത്തെ രണ്ട് ദിവസം മാനസികമായി ബുദ്ധിമുട്ടുണ്ടായിരുന്നെങ്കിലും പിന്നീട് ഞാൻ ബോൾഡായി,” ശാലു കൂട്ടിച്ചേർത്തു.

ജയിൽ മോചിതയായ ഉടൻ തന്നെ ക്ലാസ് എടുക്കാൻ പോയതായും തുടർന്ന് നൃത്തത്തിൽ കൂടുതൽ സജീവമായതായും അവർ പറഞ്ഞു. “മോശം കമന്റുകൾ വരുമോ എന്ന പേടി ഉണ്ടായിരുന്നു.

പക്ഷേ പുറത്തിറങ്ങിയ ശേഷം അത്ര മോശം പ്രതികരണങ്ങൾ ഉണ്ടായിട്ടില്ല. ദൈവാനുഗ്രഹം കൊണ്ടാണ് അതെന്ന് വിശ്വസിക്കുന്നു,” എന്നും ശാലു വ്യക്തമാക്കി.

ജയിലിൽ ദിവസവും പ്രാർത്ഥന ഉണ്ടായിരുന്നുവെന്നും പള്ളിയിൽ നിന്ന് ക്രിസ്ത്യൻ പുരോഹിതർ എത്താറുണ്ടായിരുന്നുവെന്നും അവർ പറഞ്ഞു. “പ്രാർത്ഥനയിൽ പങ്കെടുത്തിരുന്നു. പുറത്തിറങ്ങിയ ശേഷം പലരും എന്നോട് ക്രിസ്ത്യൻ മതത്തിലേക്ക് മാറുമോ എന്ന് ചോദിച്ചു.

കാരണം ഞാൻ അവിടെ പ്രാർത്ഥനകൾ പഠിച്ചു. അവിടെ ലഭിച്ച ബൈബിൾ ഇന്നും സൂക്ഷിച്ചിരിക്കുന്നു,” ശാലു പറഞ്ഞു.

അതേസമയം, വിവാദങ്ങൾക്ക് ശേഷം സീരിയൽ രംഗത്തേക്ക് മടങ്ങിയെത്തിയപ്പോൾ ചില സഹപ്രവർത്തകർ മോശമായി സംസാരിച്ചതായും അവർ സൂചിപ്പിച്ചു.

നൃത്ത രംഗത്താണ് ശാലു മേനോൻ കൂടുതൽ ശ്രദ്ധിക്കപ്പെട്ടത്. വിവാദങ്ങൾക്കു പിന്നാലെ സാമൂഹ്യമാധ്യമങ്ങളിൽ കടുത്ത സൈബർ ആക്രമണവും അവർ നേരിട്ടിരുന്നു.

English Summary

Actress and dancer Shalu Menon reflected on her 49-day imprisonment in connection with the 2013 solar scam case. She said her mother, grandmother, students, and their parents stood by her during the difficult time. After her release, she resumed teaching dance immediately and became more active in the field. Shalu mentioned participating in prayers while in jail and said people later asked if she would convert to Christianity. She also revealed facing criticism and cyberattacks after the controversy.