ഫരീദാബാദിലെ ‘സാരി-മാൻ’: സ്പൈഡർമാനെ വെല്ലാൻ ഹരിയാനയിലെ അമ്മയും മകനും! താഴെവീണ സാരിയെടുക്കാൻ മകനെ തുണി കെട്ടിയിറക്കി

ഫരീദാബാദിലെ ‘സാരി-മാൻ’: സ്പൈഡർമാനെ വെല്ലാൻ ഹരിയാനയിലെ അമ്മയും മകനും! താഴെവീണ സാരിയെടുക്കാൻ മകനെ തുണി കെട്ടിയിറക്കി

ഫരീദാബാദ്: ബാൽക്കണിയിൽ വീണ സാരി എടുക്കാൻ മകനെ തുണികെട്ടി താഴേക്ക് ഇറക്കിയ അമ്മയുടെ വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുന്നു. ഹരിയാനയിലെ സെക്ടർ 82-ലെ ഗ്രാൻഡുറ സൊസൈറ്റിയിലാണ് സംഭവം നടന്നത്.

ഫ്ലാറ്റിന്റെ താഴത്തെ നിലയിലെ ബാൽക്കണിയിൽ വീണ വസ്ത്രം എടുക്കാനാണ് അമ്മ മകനെ സാരികൾ തമ്മിൽ കെട്ടി അരയിൽ ബന്ധിപ്പിച്ച് മുകളിലെ നിലയിൽ നിന്ന് താഴേക്ക് ഇറക്കിയത്.

പിന്നീട് സാരി കൈപ്പറ്റിയ ശേഷം കുട്ടിയെ മുകളിലേക്ക് വലിച്ചുകയറ്റുന്നതും ദൃശ്യങ്ങളിൽ കാണാം. ഏറെ നിലകളുള്ള കെട്ടിടത്തിൽ നടന്ന ഈ സംഭവം അപകടസാധ്യത ഉയർത്തുന്നതാണെന്ന് സോഷ്യൽ മീഡിയയിൽ വിമർശനം ഉയരുന്നു.

എതിർവശത്തെ കെട്ടിടത്തിൽ നിന്നുള്ള ഒരാൾ പകർത്തിയ വീഡിയോ ദശലക്ഷക്കണക്കിന് ആളുകൾ ഇതിനകം കണ്ടുകഴിഞ്ഞു. ഒരു വസ്ത്രം എടുക്കാൻ വേണ്ടി കുട്ടിയുടെ ജീവൻ അപകടത്തിലാക്കിയതായാണ് പലരും അഭിപ്രായപ്പെടുന്നത്.

വീഡിയോയ്ക്ക് താഴെ കടുത്ത വിമർശനങ്ങളും ആശങ്കയും പ്രകടിപ്പിക്കുന്ന കമന്റുകളാണ് നിറയുന്നത്.

English Summary

A video from Faridabad, Haryana, showing a woman lowering her son from a balcony using tied sarees to retrieve a fallen garment has gone viral on social media. The incident reportedly took place in Sector 82’s Grandeur Society. The risky act, filmed by a resident from a nearby building, has drawn widespread criticism online, with many expressing concern over the child’s safety.

faridabad-mother-lowers-son-from-balcony-viral-video

Viral Video, Faridabad, Child Safety, Social Media, Haryana News, Public Reaction