മൂന്നുവർഷമായി നാട്ടിൽ വരാനായില്ല; സൗദിയിൽ ചികിത്സയിലിരിക്കെ മലയാളി അന്തരിച്ചു
സൗദി അറേബ്യയിലെ ജീസാൻ പ്രവിശ്യയിലെ ബെയിഷ് ജനറൽ ആശുപത്രിയിൽ ചികിത്സയിലിരിക്കെ മലപ്പുറം പറപ്പൂർ സ്വദേശിയായ ബൈജു പുളിക്കൽ (41) ഈ മാസം 12-ന് അന്തരിച്ചു.
കരൾരോഗം മൂർച്ഛിച്ചതിനെ തുടർന്ന് തീവ്രപരിചരണ വിഭാഗത്തിൽ ചികിത്സയിലായിരുന്നു.
റിയാദ് വഴി കോഴിക്കോട് എത്തിച്ചു
സൗദി എയർലൈൻസ് വിമാനത്തിൽ ജീസാനിൽ നിന്ന് റിയാദ് വഴി കോഴിക്കോട്ടെത്തിച്ച മൃതദേഹത്തെ സഹോദരൻ ലൈജുവും സഹോദരി ഭർത്താവ് ദേവാനന്ദനും അനുഗമിച്ചു.
ബന്ധുക്കൾ മൃതദേഹം ഏറ്റുവാങ്ങി ഉച്ചയോടെ പൊന്നാനി ശാന്തിതീരം ശ്മശാനത്തിൽ സംസ്കരിച്ചു.
പ്രവാസി കൂട്ടായ്മകളുടെ സഹായം
ജീസാനിലെ ‘ജല’ പ്രവർത്തകരും സുഹൃത്തുക്കളും ചേർന്നാണ് മൃതദേഹം നാട്ടിലെത്തിക്കാൻ വേണ്ട നടപടികൾ പൂർത്തിയാക്കിയത്.
ജിദ്ദ ഇന്ത്യൻ കോൺസുലേറ്റിന്റെ സാമൂഹിക ക്ഷേമസമിതി അംഗം താഹ കൊല്ലേത്തിന്റെ നേതൃത്വത്തിലാണ് നിയമനടപടികൾ പൂർത്തിയായത്.
മൂന്നു വർഷമായി നാട്ടിൽ എത്തിയില്ല
15 വർഷമായി ബെയിഷിൽ ജോലി ചെയ്തുവരികയായിരുന്ന ബൈജുവിന് കമ്പനിയുടെ നിയമപ്രശ്നങ്ങൾ മൂലം കഴിഞ്ഞ മൂന്ന് വർഷമായി നാട്ടിലെത്താൻ കഴിഞ്ഞിരുന്നില്ല.
അറുമുഖൻ-തങ്ക ദമ്പതികളുടെ മകനായ ബൈജു വിവാഹിതനും ഒരു കുട്ടിയുടെ പിതാവുമായിരുന്നു.
ഭാര്യ രഞ്ജികയും മകൻ അനഞ്ജയും ഒരുവർഷത്തോളം ജീസാനിൽ അദ്ദേഹത്തോടൊപ്പം താമസിച്ചിരുന്നു.
English Summary:
A 41-year-old Malayali expatriate from Malappuram, Baiju Pulikkal, died while undergoing treatment for severe liver disease at Beish General Hospital in Jizan, Saudi Arabia. He had been working in the region for 15 years but had not visited Kerala for the past three years due to legal issues related to his company. His body was repatriated via Riyadh to Kozhikode and later cremated in Ponnani. Expat community members and the Indian Consulate assisted with the legal procedures. He is survived by his wife and young son.
