ഒന്നെടുത്താൽ നൂറ്, നാലെടുത്താൽ അൻപത്; ഈ റെസ്റ്റോറൻ്റിലെ ‘ഇഡ്ഡലി ലോജിക്’ കണ്ടാൽ ഐൻസ്റ്റീൻ പോലും ഞെട്ടും!
ബെംഗളൂരു: ബെംഗളൂരുവിലെ ഒരു റസ്റ്ററന്റിലെ ഇഡ്ഡലി വിലപട്ടിക സോഷ്യൽ മീഡിയയിൽ വലിയ ചർച്ചയ്ക്ക് വഴിയൊരുക്കുന്നു.
സാധാരണ ഒരു ഇഡ്ഡലി ഓർഡർ ചെയ്യാൻ പോലും ആളുകൾ രണ്ടുതവണ ചിന്തിക്കേണ്ടിവരുന്ന രീതിയിലാണ് ഇവിടെ തയ്യാറാക്കിയ വിലപോസ്റ്റർ.
ബെംഗളൂരു വീരപ്പിള്ളൈ സ്ട്രീറ്റിൽ, കൊമേഴ്സ്യൽ സ്ട്രീറ്റിന് സമീപമുള്ള ‘നവീൻ ബട്ടർ ദോശ’ റസ്റ്ററന്റിലാണ് ഈ കൗതുകകരമായ പോസ്റ്റർ സ്ഥാപിച്ചിരിക്കുന്നത്.
പോസ്റ്ററിലെ വില കുറിപ്പ് ഇങ്ങനെയാണ്:
“4 ഇഡ്ഡലി – ₹50, 1 ഇഡ്ഡലി – ₹100.”
അതായത്, നാല് ഇഡ്ഡലിക്ക് 50 രൂപ മാത്രം നൽകുമ്പോൾ, ഒരു ഇഡ്ഡലിക്ക് മാത്രം 100 രൂപ നൽകേണ്ടിവരും.
മറ്റൊരു രീതിയിൽ പറഞ്ഞാൽ, എട്ട് ഇഡ്ഡലി ലഭിക്കുന്ന രണ്ട് പ്ലേറ്റുകളുടെ വിലയ്ക്ക് തുല്യമാണ് ഒരു ഇഡ്ഡലിയുടെ വില.
ഈ വ്യത്യസ്തമായ വിലപട്ടികയുടെ ചിത്രം ‘Bengaluru’ എന്ന റെഡ്ഡിറ്റ് അക്കൗണ്ടിലൂടെയാണ് ആദ്യം പുറത്തുവന്നത്.
ചിത്രം വൈറലായതോടെ നിരവധി പേരാണ് കമന്റുകളും ഷെയറുകളും നടത്തിയത്.
പലരും ഹാസ്യരൂപത്തിൽ പ്രതികരിച്ചപ്പോൾ, ചിലർ ഇതിനെ “വളരെ കിടിലൻ മാർക്കറ്റിംഗ് തന്ത്രം” എന്നായാണ് വിശേഷിപ്പിക്കുന്നത്.
റസ്റ്ററന്റിന്റെ പബ്ലിസിറ്റി വർധിപ്പിക്കുന്നതോടൊപ്പം, ഈ പോസ്റ്റർ സോഷ്യൽ മീഡിയയിൽ ഒരു പുതിയ ട്രെൻഡായും മാറിയിരിക്കുകയാണ്.
English Summary
A price poster displayed at a restaurant in Bengaluru has gone viral on social media for its humorous and unusual pricing. At Navin Butter Dosa restaurant near Commercial Street, the poster reads “4 idlis – ₹50, 1 idli – ₹100”, making a single idli cost more than a full plate. The image, first shared on a Bengaluru-based Reddit account, has triggered widespread reactions, with many calling it a clever marketing strategy.
bengaluru-restaurant-idli-price-poster-goes-viral
Bengaluru, idli price poster, Navin Butter Dosa, viral poster, social media trend, marketing strategy, Reddit, food news, India news, Malayalam news
