പൊന്നിൻ വില പൊള്ളുമ്പോൾ പൊന്നു മനസുകാട്ടി കുരുന്ന്; ഒപ്പം കുടുംബവും

കളഞ്ഞുകിട്ടിയ സ്വർണ്ണ ചെയിൻ ഉടമയ്ക്ക് തിരികെ നൽകി കുട്ടിയുടെ മതൃക

സ്വർണവില റോക്കറ്റു പോലെ കുതിക്കുമ്പോൾ കളഞ്ഞു കിട്ടിയ ഒരു പവൻ വരുന്ന സ്വർണ്ണ ചെയിൻ ഉടമയ്ക്ക് തിരികെ നൽകി മാതൃകയായിരിക്കുകയാണ് ഇരട്ടയാർ വാഴവര മണ്ണിപ്ലാക്കൽ സജിയുടെ മകളായ ഏഥൽ സജി.

കഴിഞ്ഞദിവസം കട്ടപ്പനയിലെ സ്വകാര്യ ആശുപത്രിയിൽ എത്തിയപ്പോഴാണ് സ്വർണ്ണ ചെയിൻ കുട്ടിയ്ക്ക് നിലത്തു കിടന്നു ലഭിക്കുന്നത്.

ഉടൻതന്നെ തൻറെ പിതാവ് സജിയോട് ഇക്കാര്യം പറഞ്ഞു തുടർന്ന് ചെയിൻ കളഞ്ഞു കിട്ടിയ വിവരം ഇവർ ആശുപത്രി അധികൃതരെ വിവരം അറിയിച്ചു .

ഇതേ സമയം ആശുപത്രിയിൽ എത്തിയ ശാന്തിഗ്രാം സ്വദേശികളുടെ കുട്ടിയുടെ കൈയിലെ സ്വർണ ചെയിൻ ആയിരുന്നു നഷ്ടപ്പെട്ടുപോയത്.

ചെയിൻ നഷ്ടപ്പെട്ട വിവരം ഇവർ ആശുപത്രിയിൽ നിന്നും പുറത്തു പോയതിനുശേഷം ആണ് മനസ്സിലാകുന്നത്. തുടർന്ന്

തിരികെ ആശുപത്രിയിൽ എത്തിയപ്പോഴാണ് ചെയിൻ വീണുകിട്ടിയതും പോലീസിന് കൈമാറിയതും അറിയുന്നത്. തുടർന്ന് പോലീസ് സ്റ്റേഷനിൽവെച്ച് ചെയിൻ ഉടമയ്ക്ക് കൈമാറുകയായിരുന്നു.