ഒരേ ദിവസം തന്നെ അതിർത്തി കടന്ന് 5 പാക് ഡ്രോണുകൾ, വെടിയുതിർത്ത് സൈന്യം
ശ്രീനഗർ: ജമ്മു കാശ്മീരിലെ നിയന്ത്രണ രേഖ (LoC) ലംഘിച്ച് ഇന്ത്യൻ അതിർത്തിയിലേക്ക് കടന്നുകയറാൻ ശ്രമിച്ച പാകിസ്ഥാൻ ഡ്രോണിനെ ഇന്ത്യൻ സൈന്യം വെടിവെച്ച് വീഴ്ത്തി.
രജൗരി ജില്ലയിലെ നൗഷേര സെക്ടറിലാണ് ഇന്നലെ വൈകിട്ട് സംഭവം നടന്നത്. ഒരേ ദിവസം തന്നെ അഞ്ച് പാകിസ്ഥാൻ ഡ്രോണുകളാണ് വിവിധ മേഖലകളിൽ നുഴഞ്ഞുകയറാൻ ശ്രമിച്ചത്.
റിപ്പബ്ലിക് ദിനാഘോഷങ്ങൾക്ക് മുന്നോടിയായി അതിർത്തി മേഖലയിൽ സുരക്ഷാ ക്രമീകരണങ്ങൾ ശക്തമാക്കിയിരിക്കുകയാണ്.
ഇന്നലെ വൈകിട്ട് 6.35ഓടെയാണ് നൗഷേര സെക്ടറിലെ ഗനിയ–കൽസിയാൻ ഗ്രാമത്തിൽ ആദ്യ ഡ്രോൺ സൈന്യത്തിന്റെ ശ്രദ്ധയിൽപ്പെട്ടത്.
സൈന്യം ഉടൻ വെടിയുതിർക്കുകയും ഇതോടെ ഡ്രോൺ പാകിസ്ഥാൻ ഭാഗത്തേക്ക് തിരിച്ചുപോകുകയും ചെയ്തു.
തുടർന്ന് രജൗരിയിലെ ഖബ്ബർ ഗ്രാമത്തിലും, സാംബ ജില്ലയിലെ രാംഗഡ് സെക്ടറിലും, പൂഞ്ച് ജില്ലയിലെ മങ്കോട്ട് സെക്ടറിലും ഡ്രോണുകൾ പ്രത്യക്ഷപ്പെട്ടതായി സൈന്യം സ്ഥിരീകരിച്ചു.
സുരക്ഷാ സേന ശക്തമായ നിരീക്ഷണവും പ്രതിരോധ നടപടികളും തുടരുകയാണ്.
കഴിഞ്ഞ വർഷം നടന്ന ‘ഓപ്പറേഷൻ സിന്ദൂർ’ സമയത്ത് പാകിസ്ഥാൻ ഉപയോഗിച്ച നിരവധി ഡ്രോണുകളെ ഇന്ത്യൻ സൈന്യം വിജയകരമായി വെടിവെച്ച് വീഴ്ത്തിയിരുന്നു.
അതിർത്തിയിൽ വീണ്ടും ഡ്രോൺ നുഴഞ്ഞുകയറ്റ ശ്രമങ്ങൾ വർധിക്കുന്നതിൽ സുരക്ഷാ ഏജൻസികൾ ആശങ്ക രേഖപ്പെടുത്തുന്നുണ്ട്.
English Summary
The Indian Army opened fire at a Pakistani drone that crossed the Line of Control in Jammu and Kashmir’s Nowshera sector of Rajouri district. On the same day, five drones attempted infiltration at different locations. The incident comes amid heightened security ahead of Republic Day celebrations.
pakistani-drone-loc-indian-army-fires-rajouri
Jammu and Kashmir, LoC, Pakistani Drone, Indian Army, Border Security, Rajouri, Republic Day Security, Defence News
