തൊടുപുഴയിൽ കാണിക്കവഞ്ചി പൊളിക്കാൻ ശ്രമിച്ച് കൗമാരക്കാരൻ
തൊടുപുഴക്ക് സമീപം കുടയത്തൂർ അമ്പലത്തിന്റെ കാണിക്കവഞ്ചി പൊളിക്കാൻ ശ്രമിച്ചെന്ന സംശയത്തിന്റെ പേരിൽ പിടികൂടിയ കൗമാരക്കാരനെ താക്കീത് നൽകി വിട്ടയച്ചു.
വയനക്കാവ് ദേവിക്ഷേത്രത്തിന്റെ പരിസരത്ത് സ്ഥാപിച്ചിരുന്ന കാണിക്കവഞ്ചിയാണ് മുട്ടം സ്വദേശിയായ കൗമാരക്കാരൻ ഇടിച്ചു തകർക്കാൻ ശ്രമിച്ചത്.
ചൊവ്വാഴ്ച രാത്രി 11 നാണ് സംഭവം. ശബ്ദം കേട്ടെത്തിയ പ്രദേശവാസികളാണ് പരിസരത്ത് മോട്ടോർബൈക്ക് കണ്ടത്.
തുടർന്ന നടത്തിയ തിരച്ചിലിൽ പരിസരത്തുനിന്നും കൗമാരക്കാരനെ കണ്ടെത്തി.കാഞ്ഞാർ പോലീസെത്തി ചോദ്യം ചെയ്തപ്പോൾ പരസ്പരവിരുദ്ധമായി സംസാരിച്ചു.
തുടർന്ന് ഇയാളെ വാഹനം സഹിതം പോലീസ് സ്റ്റേഷനിലെത്തിച്ച് ചോദ്യം ചെയ്തു. തുടർന്ന് അമ്പല കമ്മിറ്റിക്കാരും കൗമാരക്കാരന്റെ കുടുംബക്കാരും പോലീസുമായി കൂടിയാലോചിച്ച് നല്ല നടപ്പ് ഉപദേശിച്ച് പയ്യനെ വിട്ടയച്ചു.
മതിയായ രേഖകളില്ലാത്തതിനാൽ ഇയാളുടെ വാഹനം കാഞ്ഞാർ പോലീസ് പിടിച്ചെടുത്ത് സ്റ്റേഷനിൽ സൂക്ഷിച്ചിട്ടുണ്ട്.
