ന്യൂഡൽഹി: രാജ്യത്തെ നടുക്കിയ ചെങ്കോട്ട സ്ഫോടനത്തിൽ മരണപ്പെട്ടവരുടെ കുടുംബങ്ങൾക്ക് ഡൽഹി സർക്കാർ ധനസഹായം പ്രഖ്യാപിച്ചു.
സംഭവത്തിൽ ജീവൻ നഷ്ടമായവർുടെ കുടുംബങ്ങൾക്ക് 10 ലക്ഷം രൂപ വീതം നൽകുമെന്ന് ഡൽഹി മുഖ്യമന്ത്രി രേഖ ഗുപ്ത അറിയിച്ചു.
എക്സില് വഴി പ്രതികരിച്ച മുഖ്യമന്ത്രി, ഡൽഹിയെ വേദനിപ്പിച്ച ദൗർഭാഗ്യകരമായ സംഭവം നഗരത്തെ നടുക്കിയിരിക്കുന്നു. കുടുംബങ്ങളുടെ ദുരിതത്തിൽ സർക്കാർ അവരോടൊപ്പം ഉറച്ചുനിൽക്കും എന്ന് വ്യക്തമാക്കി.
മരണപ്പെട്ടവർക്ക് 10 ലക്ഷം, പരുക്കേറ്റവർക്ക് നഷ്ടപരിഹാരം
ഗുരുതരമായി പരുക്കേറ്റവർക്ക് 2 ലക്ഷം രൂപ, സ്ഥിരമായ അംഗവൈകല്യമുണ്ടായവർക്ക് 5 ലക്ഷം രൂപ നഷ്ടപരിഹാരവും സർക്കാർ പ്രഖ്യാപിച്ചു.
പരിക്കേറ്റവർക്കുള്ള ചികിത്സ സർക്കാരിന്റെ ചെലവിൽ തുടരുമെന്ന് രേഖ ഗുപ്ത വ്യക്തമാക്കി.
ഡൽഹിയുടെ സമാധാനവും സുരക്ഷയും സർക്കാരിന്റെ ഏറ്റവും വലിയ മുൻഗണനയാണ്. പരമാവധി ജാഗ്രതയിൽ പ്രവർത്തിക്കുന്നു – രേഖ ഗുപ്ത വ്യക്തമാക്കി.
എൻഐഎ അന്വേഷണം ഏറ്റെടുത്തു; ചെങ്കോട്ട സന്ദർശനം താൽക്കാലികമായി നിർത്തി
സ്ഫോടനവുമായി ബന്ധപ്പെട്ട കേസ് ദേശീയ അന്വേഷണ ഏജൻസിക്ക് (NIA) കൈമാറി. അന്വേഷണം ശക്തമാക്കുന്നതിനായി അടുത്ത മൂന്ന് ദിവസത്തേക്ക് ചെങ്കോട്ട സന്ദർശകർക്ക് പ്രവേശനം നിരോധിച്ചു.
കൂടാതെ, ലാൽ കില മെട്രോ സ്റ്റേഷൻ (വയലറ്റ് ലൈൻ) സുരക്ഷാ കാരണങ്ങളാൽ താൽക്കാലികമായി അടച്ചു.
സ്ഫോടനത്തിൽ 13 പേർ മരിച്ചു, ഏഴുപേരെ ഇതുവരെ തിരിച്ചറിഞ്ഞിട്ടുണ്ട്. 20-ലേറെ പേർ വിവിധ ആശുപത്രികളിൽ ചികിത്സയിലാണ്.
സംഭവവുമായി ബന്ധപ്പെട്ട് വാഘാ അതാരി അതിർത്തി അടച്ചിടുകയും, ജമ്മു–കശ്മീരിലേക്കുള്ള യാത്രകൾ ഒഴിവാക്കണമെന്ന് ഫോറിന് കോമൺവെൽത്ത് & ഡെവലപ്മെന്റ് ഓഫീസ് മുന്നറിയിപ്പ് നൽകി.
എയ്റ്റ് പാക്കിന് 5 കോടി! – കുത്തിവെപ്പിലൂടെ ‘അബ്സ്’ നിർമ്മിച്ച് ഗിന്നസിലേക്ക് യുവാവ്
സിസിടിവി ദൃശ്യങ്ങൾ നിർണ്ണായകം
സ്ഫോടനത്തിന് ഉപയോഗിച്ച കാർ സംഭവത്തിന് രണ്ട് മണിക്കൂർ മുൻപ് ചെങ്കോട്ടയ്ക്ക് സമീപം പാർക്ക് ചെയ്തിരുന്നു.
തുടർന്നു കാറിനെ സുബാഷ് മാർഗത്തിലേക്ക് നീക്കുന്നതായി സിസിടിവിയിൽ വ്യക്തമായി. കാറിൽ വെച്ച ബോംബ് സ്ഫോടനമാണ് വലിയ നാശനഷ്ടങ്ങൾക്ക് കാരണമായതെന്ന് അന്വേഷണമുഖങ്ങൾ സൂചിപ്പിക്കുന്നു.
“വെറുതെ വിടില്ല” – പ്രധാനമന്ത്രി
ആക്രമണത്തിന് ഉത്തരവാദികൾക്ക് കടുത്ത ശിക്ഷ നൽകുമെന്നും രാജ്യം മുഴുവൻ ദുരിതബാധിത കുടുംബങ്ങളോടൊപ്പം നിൽക്കുന്നുവെന്നും പ്രധാനമന്ത്രി നരേന്ദ്രമോദി ഭൂട്ടാനിൽ പ്രതികരിച്ചു.
English Summary
Delhi government announced compensation for victims of the Red Fort blast—₹10 lakh for families of the deceased, ₹5 lakh for disabled victims, and ₹2 lakh for the seriously injured. NIA has taken over the probe, and Red Fort will remain closed to visitors for three days. The PM assured strict action against the culprits.
