ന്യൂഡല്ഹി: മദ്യലഹരിയില് ഭാര്യയുടെ വിരല് കടിച്ചെടുത്ത ഭര്ത്താവ് അറസ്റ്റിൽ. നോയിഡ സെക്ടര് 12-ല് താമസിക്കുന്ന അനൂപ് മഞ്ചന്തയെയാണ് അറസ്റ്റ് ചെയ്തത്. ബുധനാഴ്ചയായിരുന്നു കേസിനാസ്പദമായ സംഭവം.
രാത്രി പത്തുമണിയോടെ മദ്യപിച്ച് വീട്ടിലെത്തിയ അനൂപ് ഭാര്യയുമായി വഴക്കുണ്ടാക്കി. പിന്നാലെ ഭാര്യയെ മര്ദിക്കുകയും ചെയ്തു. ഇതിനിടെ ഭാര്യയുടെ ഇടതുകൈയിലെ വിരല് കടിച്ചെടുക്കുകയായിരുന്നു.
കടിയേറ്റ് വിരല് കൈപ്പത്തിയില് നിന്ന് വേര്പ്പെട്ട നിലയിലാണ്. തുടര്ന്ന് ആശുപത്രിയില് പ്രവേശിപ്പിച്ച യുവതി കഴിഞ്ഞ ദിവസം പോലീസില് പരാതി നൽകുകയായിരുന്നു.
തിരുവനന്തപുരത്ത് കൊടും ക്രൂരത; കുട്ടികളെ ചട്ടുകം പഴുപ്പിച്ച് പൊള്ളിച്ച് അമ്മ
തിരുവനന്തപുരം: തിരുവനന്തപുരം കുട്ടികളെ ചട്ടുകം പഴുപ്പിച്ച് പൊള്ളിച്ച് അമ്മ. കിളിമാനൂരിലാണ് സംഭവം. അഞ്ചും ആറും വയസുള്ള കുട്ടികൾക്ക് നേരെയാണ് ആക്രമണം നടന്നത്.
കിളിമാനൂർ ഗവ. എൽപി സ്കൂളിലെ യുകെജിയിലും ഒന്നാം ക്ലാസിലും പഠിക്കുന്ന കുട്ടികളുടെ പിൻഭാഗത്താണ് അമ്മ പൊള്ളലേൽപ്പിച്ചത്. വികൃതി സഹിക്കാനാവാതെയാണ് ചട്ടുകം പഴുപ്പിച്ച് പൊള്ളിച്ചതെന്നാണ് അമ്മയുടെ വാദം.
