കിളിമാനൂരിൽ സ്ത്രീയുടെ ശരീരം റബർതോട്ടത്തിൽ കത്തിക്കരിഞ്ഞ നിലയിൽ

വയോധികയെ റബർ തോട്ടത്തിൽ കത്തിക്കരിഞ്ഞ നിലയിൽ കണ്ടെത്തി. തിരുവനന്തപുരം കിളിമാനൂരിൽ പോളച്ചിറ സ്വദേശിനി സുമതി (80) ആണ് മരിച്ചത്. റിട്ടേർഡ് അധ്യാപികയായ ഇവരെ വീടിന് സമീപത്തു നിന്നും 500 മീറ്റർ അകലെയുള്ള സ്വകാര്യ വ്യക്തിയുടെ പുരയിടത്തിലാണ് മരിച്ച നിലയിൽ കണ്ടെത്തിയത്. ഉച്ചക്ക് 2.30 മണിയോടെ റബ്ബർ തോട്ടത്തിൽ തീ പടർന്നത് സമീപവാസികൾ കാണുകയും തീ കെടുത്തുകയും ചെയ്തിരുന്നു. എന്നാൽ, മൃതദ്ദേഹം കിടന്നത് ഉച്ചയ്ക്ക് തീ കെടുത്താൻ എത്തിയവരുടെ ശ്രദ്ധയിൽപ്പെട്ടിരുന്നില്ല. വൈകിട്ട് 5.30 മണിയോടെ വയോധികയുടെ വീട്ടിൽ പൊങ്കാല പ്രസാദം നൽകാൻ സമീപവാസിയെത്തി വിളിച്ചിട്ടും കാണാത്തതിനെ തുടർന്ന് നടത്തിയ തിരച്ചിലിലാണ് കത്തി കരിഞ്ഞ നിലയിൽ റബ്ബർ തോട്ടത്തിൽ മൃതദേഹം കണ്ടെത്തിയത്. ഒരേക്കറോളം വരുന്ന റബ്ബർ തോട്ടത്തിൽ സ്ത്രീ കിടന്ന സ്ഥലം പൂർണമായും കത്തിയ നിലയിലാണ്.

Read Also: ആത്മഹത്യ ചെയ്യാനായി യുവാവ് സയനൈഡ് കലർത്തിവച്ച മദ്യം മോഷ്ടിച്ച് കുടിച്ചു; ഒരാൾ മരിച്ചു, സഹോദരൻ ഗുരുതരാവസ്ഥയിൽ