ഹൈദരാബാദ്: പുതിയ സിനിമയുടെ പ്രചാരണത്തിനിടെ വില്ലൻ വേഷത്തിലെത്തിയ നടനെ മർദിച്ച് പ്രേക്ഷക. ഹൈദരാബാദിലെ ഒരു തിയേറ്ററില് വെച്ചാണ് സംഭവം. സിനിമ പ്രചാരണത്തിന് എത്തിയ തെലുങ്ക് നടന് എന്.ടി രാമസ്വാമിക്കാണ് പരസ്യമായി തല്ലുകൊണ്ടത്.(woman publicly slapping Telugu actor NT Ramaswamy goes viral)
സമരന് റെഡ്ഡി സംവിധാനം ചെയ്ത ലവ് റെഡ്ഡി എന്ന ചിത്രത്തിന്റെ പ്രചാരണത്തിനിടെയാണ് സംഭവം. ഈ സിനിമയിൽ എന്.ടി രാമസ്വാമി വില്ലന്വേഷം കൈകാര്യം ചെയ്തത്. സിനിമ കണ്ട പ്രേക്ഷക രാമസ്വാമിയെ ദേഷ്യത്തിൽ ഓടിവന്ന് തല്ലുന്നത് വീഡിയോയിൽ കാണാം. ഒപ്പം അദ്ദേഹത്തിന്റെ ഷർട്ടിന്റെ കോളർ പിടിച്ച് വലിക്കാനും ആവർത്തിച്ച് തല്ലാനും നോക്കുന്നുണ്ട്. എന്നാൽ മറ്റുള്ളവർ ആ സ്ത്രീയെ പിടിച്ചു മാറ്റുന്നത് വീഡിയോയിൽ കാണാം.
എന്നാൽ സംഭവത്തിന്റെ വീഡിയോ വൈറലായതിന് പിന്നാലെ സമ്മിശ്ര പ്രതികരമാണ് സോഷ്യൽ മീഡിയയിൽ നിന്നും ഉയരുന്നത്. പ്രമോഷന്റെ ഭാഗമായുള്ളൊരു നാടകമാണിതെന്നാണ് ചിലർ പറയുന്നത്. മറ്റ് ചിലർ ആ സ്ത്രീയെ രൂക്ഷമായി വിമർശിക്കുകയും ചെയ്തു.
