മലപ്പുറം: നിലമ്പൂരിൽ കാട്ടാനയുടെ ജഡം കണ്ടെത്തി. നിലമ്പൂർ നെല്ലിക്കുത്ത് വനത്തിലാണ് കാട്ടാനയെ ചരിഞ്ഞ നിലയിൽ കണ്ടെത്തിയത്. ജഡത്തിന് രണ്ട് മാസത്തിലേറെ പഴക്കമുണ്ടെന്നാണ് നിഗമനം.
കാട്ടാനയുടെ ജഡത്തിലെ കൊമ്പുകൾ നഷ്ടമായിട്ടുണ്ട്. ആനയുടെ ജഡത്തിൽ നിന്ന് കൊമ്പുകൾ ഊരിയെടുത്തെന്നാണ് പൊലീസിന് ലഭിച്ച സൂചന. സംഭവത്തിൽ വനം വകുപ്പ് അന്വേഷണം ആരംഭിച്ചിട്ടുണ്ട്.
