ആശുപത്രിയിൽ മരുന്ന് വാങ്ങാൻ നിൽക്കെ തലയിൽ ചക്ക വീണു

ആശുപത്രിയിൽ മരുന്ന് വാങ്ങാൻ നിൽക്കെ തലയിൽ ചക്ക വീണു

പത്തനംതിട്ട: പത്തനംതിട്ട ജനറൽ ആശുപത്രി പരിസരത്ത് ചികിത്സയ്ക്കായി എത്തിയ രോഗിയുടെ തലയിൽ പ്ലാവിൽ നിന്നു ചക്ക വീണ് അപകടം. ഓമല്ലൂർ സ്വദേശിയായ എൻ. ഗംഗാധരൻ നായർക്കാണ് പരിക്കേറ്റത്.

അത്യാഹിത വിഭാഗത്തിന് മുന്നിലുള്ള പ്ലാവിൽ നിന്നാണ് ചക്ക അപ്രതീക്ഷിതമായി വീണത്. ഡോക്ടറെ കണ്ട ശേഷം മരുന്ന് വാങ്ങുന്നതിനായി കൗണ്ടറിന് സമീപം നിൽക്കുന്നതിനിടെയായിരുന്നു സംഭവം. ചക്ക തലയിൽ പതിച്ചതിനെ തുടർന്ന് ഗംഗാധരൻ നായർ ബോധരഹിതനായി വീണു.

സംഭവത്തിൽ തലക്കും കാൽമുട്ടുകൾക്കും കൈമുട്ടുകൾക്കും പരിക്കേറ്റിട്ടുണ്ട്. ഉടൻ തന്നെ ആശുപത്രിയിൽ പ്രവേശിപ്പിച്ച ഇയാൾ നിലവിൽ നിരീക്ഷണത്തിലാണ്.

English Summary

A patient was injured after a jackfruit fell on his head at Pathanamthitta General Hospital. The incident occurred when the fruit fell from a nearby tree while he was standing near the medicine counter after consulting a doctor. He sustained injuries to his head and limbs and is currently under observation in the hospital.

jackfruit-falls-on-patient-pathanamthitta-general-hospital

Pathanamthitta, General Hospital, Accident News, Jackfruit Fall, Kerala News, Hospital Incident