ഇന്ത്യയിലെ തന്നെ ഏറ്റവും ജനപ്രീതിയുള്ള താരത്തെ തേടിയവരുടെ ആ അന്വേഷണത്തിന് അവസാനമായി. സാക്ഷാൽ കിങ്ഖാനെ പോലും പിന്തള്ളി ഒന്നാം നിരയിൽ സ്ഥാനമുറപ്പിച്ചിരിക്കുന്ന ആ താരം എല്ലാവർക്കു പ്രിയപ്പെട്ട ഒരാളാണ്. ഒന്നാമത് എത്തിയിരിക്കുന്നത് തെന്നിന്ത്യൻ താരവും മലയാളികളുടെയും പ്രിയപ്പെട്ട നായകനുമായ തെലുങ്ക് നടൻ പ്രഭാസാണ്.
പ്രമുഖ എന്റര്ടെയ്ൻമെന്റ് അനലിസ്റ്റുകളായ ഓര്മാക്സ് മീഡിയ ആണ് രാജ്യത്തെ ഏറ്റവും ജനപ്രിയ താരങ്ങളുടെ പട്ടിക പുറത്തുവിട്ടത്. തെന്നിന്ത്യൻ പ്രേക്ഷകരുടെ പ്രിയങ്കരനായ ഒരു താരമാണ് പ്രഭാസ്. അദ്ദേഹം നായകനാകുന്ന ഓരോ ചിത്രത്തിന്റെയും പ്രഖ്യാപനം ചര്ച്ചയാകാറുണ്ട്.
സീതാരാമത്തിന്റെ അതിശയിപ്പിക്കുന്ന വമ്പൻ വിജയത്തിന് ശേഷം ഹനു രാഘവപുടി പ്രഭാസിനെ നായകനാക്കി സിനിമ ഒരുക്കുന്നുവെന്ന പ്രത്യേകതയുമുണ്ട്. സിനിമകള് നിരന്തരം ചെയ്യുന്നില്ലെങ്കിലും തുടര്ച്ചയായി വാര്ത്തകളില് നിറഞ്ഞു നില്ക്കാൻ പ്രഭാസിനു ആകുന്നുണ്ട് എന്നതാണ് ജനപ്രീതിയിലും മുന്നിട്ടു നില്ക്കാൻ അദ്ദേഹത്തെ സഹായിക്കുന്നത്.
പട്ടികയിൽ രണ്ടാം സ്ഥാനത്ത് മലയാളികളുടെ പ്രിയ താരം വിജയ് ആണ്. ജനപ്രീതിയില് മൂന്നാമത് ബോളിവുഡിന്റെ പ്രിയ താരം ഷാരൂഖ് ഖാനാണ്. നാലാം സ്ഥാനത്ത് അല്ലു അര്ജുനാണ്.
