ആഗ്ര ; റീൽ ചെയ്യുന്നതിനിടെ യുവാവ് നാലാം നിലയിൽ നിന്ന് കാൽ വഴുതി വീണു മരിച്ചു. ആഗ്രയിൽ സറാഫ ബസാർ ഏരിയയിലാണ് സംഭവം .
20 കാരനായ ആസിഫാണ് സ്ലോ മോഷൻ വീഡിയോ ചെയ്യുന്നതിനിടെ കാൽ വഴുതി വീണത്. റീൽ ചെയ്യുന്നതിനിടെ സുരക്ഷയ്‌ക്കായി സ്ഥാപിച്ച സേഫ്റ്റി റെയിലിംഗ് തുറന്നതിനാൽ താഴെ വീഴുകയായിരുന്നു.
യുവാവിനൊപ്പം സുഹൃത്തുക്കളുമുണ്ടായിരുന്നു. അപകടത്തിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്. സുഹൃത്തിനടുത്തേയ്‌ക്ക് ആസിഫ് ചെല്ലാൻ ശ്രമിക്കുന്നതും , തെന്നി വീഴുന്നതും ദൃശ്യങ്ങളിൽ കാണാം . സുഹൃത്ത് യുവാവിനെ പിടിച്ചു കയറ്റാൻ ശ്രമിക്കുന്നതും , യുവാവ് അല്പ സമയം ഗ്രില്ലിൽ തൂങ്ങി കിടക്കുന്നതും ദൃശ്യങ്ങളിലുണ്ട്.
വീഴ്ചയുടെ ആഘാതത്തിൽ തലയ്‌ക്കും കഴുത്തിനും ഗുരുതരമായി പരിക്കേറ്റിരുന്നു.. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
Tragic! Youth Dies After Falling From 3rd Floor While Filming Slow Motion Reel In UP’s Agra; Horrific VIDEO Surfaces
