ഡോ.വന്ദനദാസ് കൊലക്കേസ്; പ്രതിക്ക് ജീവപര്യന്തം, ഒരു ലക്ഷം രൂപ പിഴ…
കൊല്ലം: ഡോ. വന്ദന ദാസ്യെ കൊട്ടാരക്കര താലൂക്ക് ആശുപത്രിയിൽ ഡ്യൂട്ടിക്കിടെ കുത്തിക്കൊലപ്പെടുത്തിയ കേസിൽ പ്രതിക്ക് ജീവപര്യന്തം ശിക്ഷ. കൊല്ലം അഡീഷനൽ സെഷൻസ് കോടതി ജഡ്ജി പി.എൻ. വിനോദാണ് ശിക്ഷ വിധിച്ചത്.
കൊട്ടാരക്കര താലൂക്ക് ആശുപത്രിയിൽ ഹൗസ് സർജനായിരുന്ന വന്ദന ദാസ് (23)യെ 2023 മേയ് 10ന് പുലർച്ചെയാണ് കുത്തിക്കൊലപ്പെടുത്തിയത്. ചികിത്സയ്ക്കായി പൊലീസ് ആശുപത്രിയിൽ എത്തിച്ച സന്ദീപ് അക്രമാസക്തനായി സർജിക്കൽ കത്തി ഉപയോഗിച്ച് ആക്രമിച്ചതാണെന്ന് കേസിൽ കണ്ടെത്തി.
ആക്രമണത്തിൽ ഹോംഗാർഡ്, പൊലീസ് ഉദ്യോഗസ്ഥൻ, ആംബുലൻസ് ഡ്രൈവർ ഉൾപ്പെടെ പലർക്കും പരുക്കേറ്റിരുന്നു. ഡ്യൂട്ടിയിലുള്ള ഡോക്ടറെ കൊലപ്പെടുത്തിയ കേസ് എന്ന നിലയിൽ സംസ്ഥാനത്ത് വലിയ പ്രതിഷേധത്തിനിടയാക്കിയ സംഭവമായിരുന്നു ഇത്.
കേസിൽ 70ൽ അധികം സാക്ഷികളെ വിസ്തരിച്ചു. വിവിധ മേഖലകളിലെ 35 ഡോക്ടർമാരെ പ്രോസിക്യൂഷൻ ഹാജരാക്കി. പ്രതി മാനസിക ദൗർബല്യം ചൂണ്ടിക്കാട്ടിയിരുന്നുവെങ്കിലും അത് കോടതി തള്ളി.
സംഭവം നടന്നതിന് 90 ദിവസത്തിനുള്ളിൽ കുറ്റപത്രം സമർപ്പിച്ച കേസായതും, ഏറ്റവും കൂടുതൽ ഡോക്ടർമാരെ സാക്ഷികളായി വിസ്തരിച്ച കേസുകളിലൊന്നായതുമാണ് ഡോ. വന്ദന ദാസ് കൊലക്കേസ്.
English Summary
A court in Kollam has sentenced the accused to life imprisonment in the murder case of Dr. Vandana Das, a 23-year-old house surgeon who was stabbed to death while on duty at Kottarakkara Taluk Hospital in 2023.
