അടിക്കടി അപ്ഡേറ്റുകൾ കൊണ്ട് വരുന്നതിൽ മുൻപന്തിയിലാണ് മെസ്സേജിങ് ആപ്പായ വാട്സ്ആപ്പ്, ആപ്പിലേക്ക് പ്രവേശിക്കുന്നതിന് മുമ്പായുള്ള വെരിഫിക്കേഷനിലും പുതിയ അപ്ഡേറ്റ് കൊണ്ട് വരാനുള്ള ഒരുക്കത്തിലാണ്. iOS-നുള്ള ഏറ്റവും പുതിയ വാട്സ്ആപ്പ് ബീറ്റ പതിപ്പിൽ, ഇമെയിൽ ഉപയോഗിച്ച് അക്കൗണ്ട് ലോഗിൻ ചെയ്യുന്നതിനുള്ള സൗകര്യം ഉടനെത്തും. WABetaInfo ആണ് പുതിയ വെരിഫിക്കേഷൻ ഓപ്ഷനുമായി ബന്ധപ്പെട്ട വിവരം പുറത്തുവിട്ടിരിക്കുന്നത്.
ടെസ്റ്റ്ഫ്ലൈറ്റ് ബീറ്റ പ്രോഗ്രാമിലൂടെ അടുത്തിടെ പുറത്തുവിട്ട ഐ.ഒ.എസിന് വേണ്ടിയുള്ള വാട്സ്ആപ്പ് ബീറ്റ 23.23.1.77 പതിപ്പിലാണ് പുതിയ ഫീച്ചർ ആദ്യമെത്തിയത്. ഫോൺ നമ്പറിനൊപ്പം ഇ-മെയിൽ ഉപയോഗിച്ച് ലോഗിൻ ചെയ്യാനുള്ള ഓപ്ഷനാണ് എത്തിയിരിക്കുന്നത്. ടെലഗ്രാമിൽ ഈ ഫീച്ചർ നേരത്തെ തന്നെയുണ്ട്. ആൻഡ്രോയ്ഡിലും ഐ.ഒ.എസിലും വൈകാതെ തന്നെ ഫീച്ചർ അവതരിപ്പിച്ചേക്കുമെന്നാണ് റിപ്പോർട്ട്. ഉപയോക്താക്കൾക്ക് വേണമെങ്കിൽ ഇ-മെയിൽ ഓപ്ഷൻ വേണ്ടെന്ന് വെക്കാവുന്നതാണ്. എന്നാൽ, വാട്സ്ആപ്പിൽ ഇ-മെയിൽ ചേർക്കുന്നത് ഉപയോക്താക്കൾക്ക് ഏറെ ഉപയോഗപ്രദമായേക്കും. ഇ-മെയിൽ സേവനം നിങ്ങൾക്ക് ആറക്ക ഒ.ടി.പി വെരിഫിക്കേഷൻ കോഡ് ലഭിക്കുന്നതിന് അധിക ഓപ്ഷനായി ഉപയോഗപ്പെടുത്താം.
Read Also: വാഹനാപകടങ്ങളിൽ രക്ഷകനാകുന്ന ഗൂഗിളിന്റെ പുത്തൻ ഫീച്ചർ ഇന്ത്യൻ ഫോണുകളിലും !
