ചലന സംബന്ധമായ പ്രശ്നങ്ങൾക്ക് വഴിവെക്കുന്ന പാർക്കിൻസൺ രോഗം ഏറെ ചർച്ച ചെയ്യപ്പെടുന്ന ഒന്നാണ്. തലച്ചോറിലെ സബ്സ്റ്റാൻഷ്യ നൈഗ്ര എന്ന ഭാഗത്തെ നാഡികോശങ്ങളുടെ തേയ്മാനവും തുടർന്ന് അവ നശിക്കുന്നതുമാണ് പാർക്കിൻസൻ രോഗത്തിന് കാരണം. What causes Parkinson’s? Can it be treated and reversed?
തലച്ചോറിലെ നാഡീകോശങ്ങൾ കുറയമ്പോൾ അവ ഉത്പാദിപ്പിക്കുന്ന ഡോപമിന് കുറവുണ്ടാകുന്നു. ഡോപമിന്റെ കുറവ് ശരീര ചലനങ്ങൾ നിയന്ത്രിക്കുന്ന തലച്ചോറിന്റെ ഭാഗമായ ബേസൽ ഗാംഗ്ലിയയെ പ്രതികൂലമായി ബാധിക്കും. ഇവ ശരീരത്തിൽ ചലന പ്രശ്നങ്ങൾ ഉണ്ടാക്കും.
വായുമലിനീകരണം കൂടുുതലുള്ള പ്രദേശങ്ങളിൽ ജീവിക്കുന്നവർക്ക് പാർക്കിൻസൺ പിടിപെടാനുള്ള സാധ്യത കൂടതലാണ്. ഉപയോഗിക്കുന്ന ജലത്തിൽ കീടനാശിനിയുടെ അളവുണ്ടായാലും പാർക്കിൻസൻ ഉണ്ടാകാം.
കൂടാതെ മസ്തിഷ്കത്തിനേൽക്കുന്ന ക്ഷതങ്ങൾ , മയക്കുമരുന്നിന്റരെ ഉപയോഗം എന്നിവയെല്ലാം തലച്ചോറിനെ പ്രതികൂലമായി ബാധിക്കാം . ഇവയെല്ലാം പാർക്കിൻസൺ രോഗത്തിന് വഴിവെക്കും.
രോഗം പിടിപെടുന്നവരിൽ വെറുതേയിരിക്കുമ്പോൾ വിറയൽ ഉണ്ടാകും മസിലുകൾക്ക് അയവില്ലാത്തതിനാൽ കൈയ്ക്കും കാലിനുമുണ്ടാകുന്ന മുറുക്കം, ശരീരത്തിന്റെ സന്തുലിതാവസ്ഥ നഷ്ടപ്പെടുക തുടങ്ങിയ ലക്ഷണങ്ങൾ രോഗി പ്രകടിപ്പിക്കും.
എഴുതാനും മറ്റുണ്ടാകുന്ന ബുദ്ധിമുട്ടുകളും സംസാരിക്കാനുള്ള പ്രയാസവും പാർക്കിൻസൻ രോഗത്തിന്റെ ലക്ഷണങ്ങളാകാം.
ലിവഡോപ്പ എന്ന മരുന്നാണ് പാർക്കിൻസൻ രോഗത്തിന്റെ ചികിത്സയ്ക്ക് ഉപയോഗിക്കുന്നത്. തലച്ചോറിലെ ഡോപ്പമിന്റെ അളവ് വർധിപ്പിക്കാൻ ലിവഡോപ്പ ഉപകരിക്കും. കൂടാതെ ഡീപ് ബ്രെയിൻ സ്റ്റിമുലേഷൻ തുടങ്ങിയ ചികിത്സകളും രോഗിയ്ക്ക് ആശ്വാസം നൽകും.
