പാറശ്ശാല: 11 വയസ്സുകാരനെ പ്രകൃതിവിരുദ്ധ ലൈംഗിക പീഡനത്തിനിരയാക്കിയ കേസിൽ 60കാരന് 30 വർഷം കഠിനതടവും ഒരുലക്ഷം രൂപ പിഴയും ശിക്ഷ വിധിച്ചു. പൊഴിയൂർ തെക്കേ കൊല്ലംകോട് പൊയ്പ്പള്ളിവിളാകം വീട്ടിൽ അംബിദാസി(60)നെയാണ് നെയ്യാറ്റിൻകര അതിവേഗ കോടതി ജഡ്ജി കെ. പ്രസന്ന പോക്സോ വകുപ്പുകൾ പ്രകാരം ശിക്ഷിച്ചത്.
2021ലാണ് കേസിനാസ്പദമായ സംഭവം നടക്കുന്നത്. പ്രതി തേങ്ങ പെറുക്കാനെന്ന വ്യാജേന കുട്ടിയെ ആളൊഴിഞ്ഞ സ്ഥലത്തേക്ക് കൂട്ടിക്കൊണ്ടുപോയി പീഡിപ്പിച്ചു എന്നാണ് കേസ്. സ്പെഷൽ പബ്ലിക് പ്രോസിക്യൂട്ടർ വെള്ളറട സന്തോഷ് കുമാർ, വിനോദ് പ്രോസിക്യൂഷൻ ലെയ്സൻ ഓഫിസർമാരായ ശ്യാമള ദേവി, ജനീഷ് എന്നിവർ ഹാജരായി.
