സ്ഫോടനത്തിന് മുമ്പ് പള്ളിയിലുമെത്തി, ഉമര് നബിയുടെ സിസിടിവി ദൃശ്യങ്ങള് പുറത്ത്
ന്യൂഡൽഹി: ചെങ്കോട്ട സ്ഫോടനത്തിന് പിന്നിൽ പ്രധാന പങ്ക് വഹിച്ച ഭീകരൻ ഉമർ നബി ഡൽഹിയിൽ എത്തിയതും പള്ളി സന്ദർശിച്ചതും കാണിക്കുന്ന സിസിടിവി ദൃശ്യങ്ങൾ പുറത്തുവന്നു.
ബദർപൂർ അതിർത്തിയിലെ ടോൾപ്ലാസ വഴിയാണ് ഉമർ നബി (ഡോ. ഉമർ മുഹമ്മദ്) ഡൽഹിയിൽ പ്രവേശിച്ചത്.
നവംബർ 10-ന് രാവിലെ 8.02ന് വെളുത്ത ഹ്യുണ്ടായി i20 കാർ ഓടിച്ച് ടോൾഗേറ്റിൽ എത്തുന്ന ദൃശ്യങ്ങളിലാണ് ഇയാളെ തിരിച്ചറിഞ്ഞത്.
കാറിന്റെ പിൻസീറ്റിൽ വലിയ ബാഗ്, അത് സ്ഫോടകവസ്തുക്കൾ അടങ്ങിയതാകാമെന്നാണു പൊലീസിന്റെ സംശയം.
ടോൾപ്ലാസയിൽ മാസ്ക് ധരിച്ച നിലയിൽ ഉമർ നബി സിസിടിവിയിലേക്ക് നോക്കുന്നതും ദൃശ്യങ്ങളിൽ കാണാം.
സുരക്ഷാ ഏജൻസികൾ തന്റെ പിന്നാലെയുണ്ടെന്ന ബോധം അയാൾക്ക് ഉണ്ടായിരുന്നുവെന്നാണ് അന്വേഷണ സംഘം പറയുന്നത്.
അന്നേ ദിവസം ഉമർ രാംലീല മൈതാനത്തിന് സമീപമുള്ള പള്ളിയിലേക്കുള്ള വഴിയിലൂടെ നടക്കുന്നതും, തല ചെരിയുമ്പോൾ മുഖം വ്യക്തമായി ദൃശ്യങ്ങളിൽ പതിയുന്നതും കാണാം.
സ്ഫോടനത്തിന് മുമ്പ് പ്രാർത്ഥനയ്ക്കായി പള്ളിയിൽ എത്തിയതായിരിക്കാമെന്ന് അന്വേഷണ ഉദ്യോഗസ്ഥർ സംശയിക്കുന്നു.
അന്നേ ദിവസം ഉമർ ചെങ്കോട്ടയ്ക്കടുത്ത സുനേരി മസ്ജിദ് പാർക്കിംഗിൽ 3.19ന് എത്തുകയും, 6.28ന് – സ്ഫോടനത്തിന് 24 മിനിറ്റ് മുമ്പ് – അവിടെ നിന്ന് പോകുകയും ചെയ്തതായി ദൃശ്യങ്ങൾ സ്ഥിരീകരിക്കുന്നു.
സ്ഫോടനസ്ഥലത്ത് നിന്ന് ഫോറൻസിക് സംഘം 40-ലധികം സാമ്പിളുകൾ ശേഖരിച്ചു, അതിൽ വാഹനാവശിഷ്ടങ്ങളും മനുഷ്യശരീര ഭാഗങ്ങളും ഉൾപ്പെടുന്നു.
സ്ഫോടകവസ്തുക്കളുടെ തരം കണ്ടെത്താൻ വിദഗ്ധസംഘം രൂപീകരിച്ചിട്ടുണ്ട്. ഉമറിന് സഹായം നൽകിയവരെ കണ്ടെത്താനായി വ്യാപകമായ തിരച്ചിൽ തുടരുകയാണ്.
English Summary:
New Delhi: CCTV footage has surfaced showing terrorist Umar Nabi, the main accused in the Red Fort blast, entering Delhi through Badarpur toll plaza and later walking near a mosque close to Ramlila Maidan before the explosion.
At 8:02 a.m. on November 10, Umar Nabi was seen driving a white Hyundai i20 with a large bag—believed to contain explosives—on the back seat. Wearing a mask, he glanced toward the CCTV, suggesting he was aware of being tracked.
Later that day, footage captured him walking through a narrow lane near the mosque, and his face was briefly visible when he turned his head. Investigators suspect he went there to pray before the attack.
He arrived at the Sunehri Masjid parking area near Red Fort at 3:19 p.m. and left at 6:28 p.m., just 24 minutes before the explosion.
Forensic teams have collected over 40 samples from the blast site, including debris and human remains, to determine the type of explosives used. Security agencies are now tracing Umar’s accomplices and support network in the capital.
umar-nabi-delhi-blast-cctv-footage
ഉമർ നബി, ഡൽഹി സ്ഫോടനം, ചെങ്കോട്ട ആക്രമണം, ഭീകരവാദം, സിസിടിവി ദൃശ്യങ്ങൾ, അന്വേഷണ സംഘം, രാംലീല മൈതാനം, ബദർപൂർ ടോൾ പ്ലാസ
