ഇസ്രയേൽ ചാരസംഘടനയായ മൊസാദിന്റെ സാമ്പത്തിക കാര്യങ്ങൾ കൈകാര്യം ചെയ്യുന്ന തലവനെ അങ്കാറ പോലീസ് അറസ്റ്റ് ചെയ്തതോടെ ഇസ്രയേലും തുർക്കിയും തമ്മിലുള്ള ബന്ധം കൂടുതൽ വഷളാകുമെന്ന് സൂചന. (Turkey arrests head of Mossad’s financial division)
കൊസോവൻ പൗരനായ ലിറിഡോൺ റെക്സ്ഹെപ്പി യെയാണ് തുർക്കിയിൽ നിന്നും അങ്കാറ പോലീസ് അറസ്റ്റ് ചെയ്തത്. മൊസാദിന്റെ സാമ്പത്തിക വിഭാഗത്തിന്റെ ചുമതലയാണ് ഇയാൾക്കുണ്ടായിരുന്നത്.
സിറിയയിലും , തുർക്കിയിലുമുള്ള മൊസാദ് ഏജന്റുമാർക്ക് പണം കൈമാറുന്നത് ഉൾപ്പെടെയുള്ള ചുമതല റെക്ഹെപ്പിക്കായിരുന്നു. അടുത്തിടെ തുർക്കി പോലീസ് നടത്തിയ അന്വേഷണത്തിൽ ഏതാനും മൊസാദ് ഏജന്റുമാർ പിടിയിലായിരുന്നു.
നാറ്റോ അംഗരാജ്യമായ തുർക്കി ഫലസ്തീൻ വിഷയവുമായി ബന്ധപ്പെട്ട് മുൻപുതന്നെ ഇസ്രയേലുമായി നല്ല ബന്ധത്തിലല്ല. മൊസാദ് ഏജന്റിന്റെ അറസ്റ്റ് കാര്യങ്ങൾ കൂടുതൽ വഷളാക്കുമെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.
