മത്സരയോട്ടം, ടൂറിസ്റ്റ് ബസ് നിയന്ത്രണം വിട്ട് തലകീഴായി മറിഞ്ഞു; 61കാരന് ദാരുണാന്ത്യം; 9 കുട്ടികൾ അടക്കം 49 പേർക്ക് പരുക്ക്

കാ​ട്ടാ​ക്ക​ട​യി​ൽ നി​ന്ന് മൂ​ന്നാ​റി​ലേ​ക്ക് പോ​യ വിനോദയാത്രാ സംഘം സഞ്ചരിച്ച ടൂറിസ്റ്റ് ബസ് മറിഞ്ഞ് ഒരാൾ മരിച്ചു. നെ​ടു​മ​ങ്ങാ​ട് ഇ​ഞ്ചി​യ​ത്താണ് അപകടം.അ​പ​ക​ട​ത്തി​ൽ കാ​വ​ല്ലൂ​ർ സ്വ​ദേ​ശി ദാ​സി​നി(61) ആ​ണ് മ​രി​ച്ച​ത്.

അ​പ​ക​ട​ത്തി​ൽ പ​രി​ക്കേ​റ്റ 26പേ​ർ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. 9 കു​ട്ടി​ക​ളെ എ​സ്എ​ടി ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. നെ​ടു​മ​ങ്ങാ​ട് ആ​ശു​പ​ത്രി​യി​ൽ 13 പേ​രും ചി​കി​ല്‍​സ തേ​ടി. ബ​സി​ല്‍ ആകെ 49 യാ​ത്ര​ക്കാ​ര്‍ ഉ​ണ്ടാ​യി​രു​ന്നു. നെ​ടു​മ​ങ്ങാ​ട് നി​ന്നും വെ​മ്പാ​യം പോ​കു​ന്ന റോ​ഡി​ല്‍ ബ​സ് നി​യ​ന്ത്ര​ണം​വി​ട്ട് ത​ല​കീ​ഴാ​യി മ​റി​യു​ക​യാ​യി​രു​ന്നു.

പെ​രു​ങ്ക​ട​വി​ള, കീ​ഴാ​റൂ​ർ, കാ​വ​ല്ലൂ​ർ എന്നിവിടങ്ങളിൽ നിന്നുള്ളവരും ബ​ന്ധു​ക്ക​ളു​മാ​ണ് വി​നോ​ദ​യാ​ത്രാ സം​ഘ​ത്തി​ലു​ണ്ടാ​യി​രു​ന്ന​ത്. അപകടത്തെ തുടർന്ന് ബ​സി​ല്‍ നി​ന്നും വ​ലി​യ​തോ​തി​ല്‍ ഇ​ന്ധ​ന​ച്ചോ​ര്‍​ച്ച ഉ​ണ്ടാ​യി. റോ​ഡി​ല്‍ പ​ര​ന്ന ഇ​ന്ധ​നം അ​ഗ്നി​ര​ക്ഷാ​സേ​ന വെ​ള്ളം ഉ​പ​യോ​ഗി​ച്ച് നീ​ക്കുകയായിരുന്നു. സം​ഭ​വ​ത്തി​ന് പി​ന്നാ​ലെ ബ​സി​ന്‍റെ ഡ്രൈ​വ​ര്‍ സ്ഥ​ല​ത്ത് നി​ന്നും ഓടി രക്ഷപ്പെട്ടെന്ന് നാ​ട്ടു​കാ​ര്‍ പ​റ​ഞ്ഞു.

ടൂ​റി​സ്റ്റ് ബ​സ് അ​മി​ത​വേ​ഗ​ത്തി​ലാ​യി​രു​ന്നു.​​ ലോ​റി​യു​മാ​യി മ​ല്‍​സ​ര​യോ​ട്ട​ത്തി​നി​ടെ​യാ​ണ് അ​പ​ക​ട​മെ​ന്നും ദൃ​ക്സാ​ക്ഷി പ​റ​ഞ്ഞു. റോ​ഡി​ലെ ഇ​ട​തു​വ​ശ​ത്തെ ഓ​ട​യു​ടെ മേ​ല്‍​മൂ​ടി പൊ​ട്ടി​യ​ത് അ​പ​ക​ട​കാ​ര​ണ​മാ​യി​യെ​ന്നും സൂ​ച​ന. സ്ഥ​ല​ത്ത് നാ​ട്ടു​കാ​ര്‍ പ്ര​തി​ഷേ​ധി​ച്ചു. ബ​സ് ക്രെ​യി​ൻ എ​ത്തി​ച്ച് ഉ​യ​ർ​ത്തി.