കുളിക്കാനിറങ്ങിയ വിദ്യാർത്ഥി വലയിൽ കുടുങ്ങി മരിച്ചു; നാടിന് നൊമ്പരമായി അച്ചുവിന്റെ വേർപാട്
തൃശൂർ: കുളത്തിൽ കുളിക്കാനിറങ്ങിയ വിദ്യാർത്ഥി വലയിൽ കുടുങ്ങി മരിച്ച ദാരുണ സംഭവം വെങ്ങാനൂരിൽ. എം.എസ്. അച്ചു (19)യാണ് മരിച്ചത്. തിരുവനന്തപുരം വെങ്ങാനൂർ പെരിങ്ങമല സ്വദേശിയാണ്. പരേതരായ കെ.എസ്.ആർ.ടി.സി ഡ്രൈവർ മണിയുടെയും സുനിതയുടെയും മകനാണ് അച്ചു. ബാച്ചിലർ ഓഫ് പ്രോസ്തെറ്റിക് ആൻഡ് ഓർത്തോട്ടിക് (ബി.പി.ഒ) ഒന്നാം വർഷ വിദ്യാർത്ഥിയായിരുന്നു.
വല്ലക്കുന്നിലെ ചെമ്മീൻ ചാലിനടുത്തുള്ള കുളത്തിൽ കുളിക്കാനിറങ്ങിയപ്പോഴാണ് അപകടം സംഭവിച്ചത്. പഠനത്തിനായി സുഹൃത്തുക്കളോടൊപ്പം താമസിച്ചിരുന്ന അച്ചു വെള്ളിയാഴ്ച വൈകിട്ട് ഏഴരയോടെ കുളിക്കാനായി പോയിരുന്നു. കൂടെയുണ്ടായിരുന്ന സുഹൃത്തുകൾക്കും നീന്തൽ അറിയില്ലായിരുന്നു.
കുളത്തിനുള്ളിലെ ചെമ്മീൻ വലയിൽ കുടുങ്ങിയതോടെ സുഹൃത്തുകൾ നാട്ടുകാരെ വിവരം അറിയിച്ചു. എന്നാൽ രക്ഷപ്പെടുത്താൻ കഴിഞ്ഞില്ല. തുടർന്ന് അഗ്നിരക്ഷാസേന സ്ഥലത്തെത്തി മൃതദേഹം പുറത്തെടുത്തു. അച്ചുവിന്റെ മൃതദേഹം ഇരിഞ്ഞാലക്കുട ജനറൽ ആശുപത്രി മോർച്ചറിയിലേക്ക് മാറ്റി.
English Summary
A 19-year-old student died after getting entangled in a fishing net while bathing in a pond in Thrissur. The incident occurred when he went to bathe with friends, none of whom could swim. Despite attempts to rescue him, he could not be saved. Fire and rescue teams later recovered the body.
Thrissur News, Student Death, Pond Accident, Kerala News, Fire Force, Tragic Incident
