സംസ്ഥാനത്ത് സ്വർണവില മാറ്റമില്ലാതെ തുടരുന്നു; എണ്ണവില 105 ഡോളറിന് മുകളിൽ, വിപണിയിൽ ആശങ്ക
കൊച്ചി: സംസ്ഥാനത്ത് സ്വർണവിലയിൽ മാറ്റമില്ല. ഒരു പവൻ സ്വർണത്തിന് 1,12,960 രൂപയും ഗ്രാമിന് 14,120 രൂപയുമാണ് നിലവിലെ നിരക്ക്. പണിക്കൂലിയും നികുതിയും ചേർന്നാൽ വാങ്ങൽവില ഇതിലും ഉയരും.
എണ്ണവില കുത്തനെ ഉയർന്ന പശ്ചാത്തലത്തിൽ കഴിഞ്ഞ ദിവസങ്ങളിൽ സ്വർണവിലയിൽ ചെറിയ ഇടിവാണ് രേഖപ്പെടുത്തിയിരിക്കുന്നത്. ഇന്ത്യ ആശ്രയിക്കുന്ന ബ്രെന്റ് ക്രൂഡ് ഓയിൽ വില ബാരലിന് 105 ഡോളറിന് മുകളിൽ തുടരുകയാണ്.
പശ്ചിമേഷ്യയിലെ സംഘർഷാവസ്ഥയും ആഗോള വിപണിയിലെ അനിശ്ചിതത്വവുമാണ് സ്വർണവും എണ്ണവിലയും ബാധിക്കുന്നത്. ഇറാനുമായി ബന്ധപ്പെട്ട വെടിനിർത്തൽ നീട്ടിയിട്ടുണ്ടെങ്കിലും സമാധാന ചർച്ചകളിൽ വ്യക്തതയില്ലാത്തത് വിപണിയിൽ ആശങ്ക ഉയർത്തുന്നു. കൂടാതെ ഹോർമുസ് കടലിടുക്കിൽ തുടരുന്ന തടസ്സങ്ങളും എണ്ണവില ഉയർന്ന നിലയിൽ തുടരാൻ കാരണമാകുന്നു.
ജനുവരി 29ന് 1,31,160 രൂപയായിരുന്നു സ്വർണവിലയിലെ റെക്കോർഡ്. ഡിസംബർ 23നാണ് ഒരു പവൻ സ്വർണവില ആദ്യമായി ഒരു ലക്ഷം രൂപ കടന്നത്.
English Summary
Gold prices in Kerala remain unchanged at ₹1,12,960 per sovereign and ₹14,120 per gram. Meanwhile, crude oil prices have surged above $105 per barrel due to geopolitical tensions in West Asia and uncertainties in global markets. Despite a ceasefire extension involving Iran, instability continues to influence both oil and gold prices.
Gold Price Kerala, Crude Oil Price, Business News, Kerala Gold Rate, Global Market, Economy News
