വോളിബോൾ കളിക്കുന്നതിനിടെ അസ്വസ്ഥത; ചായ കുടിച്ചാൽ കുറയുമെന്ന് കരുതി ഹോട്ടലിൽ കയറിയ പോലീസ് ഉദ്യോഗസ്ഥൻ കുഴഞ്ഞു വീണു മരിച്ചു

കോഴിക്കോട്: വോളിബോൾ കളികഴിഞ്ഞ് വിശ്രമിച്ച പൊലീസുകാരൻ കുഴഞ്ഞുവീണു മരിച്ചു. കോഴിക്കോട് പോലീസ്കൺട്രോൾ റൂമിലെ സിവിൽ പൊലീസ് ഓഫീസർ പെരികിലത്തിൽ ഷാജി ആണ് മരിച്ചത്. 44 വയസായിരുന്നു.

തിരുവമ്പാടി പുല്ലുരാംപാറ പള്ളിപ്പടിയിലാണ് സംഭവം. വോളിബോൾ കളിയിൽ പങ്കെടുത്തതിന് പിന്നാലെ അസ്വസ്ഥത തോന്നുകയും കുഴഞ്ഞുവീഴുകയുമായിരുന്നു.

വോളിബോൾ കളിക്ക് ശേഷം ഹോട്ടലിൽ ചായ കുടിക്കുന്നതിനിടയിലായിരുന്നു ഷാജി കുഴഞ്ഞു വീണത്. മൃതദേഹം ഓമശ്ശേരി ശാന്തി ആശുപത്രിയിൽ സൂക്ഷിച്ചിരിക്കുകയാണ്