ഇടുക്കി കട്ടപ്പന ഗവ.കോളേജിൽ കഴിഞ്ഞ ദിവസം നടന്ന കോളേജ് യൂണിയൻ തിരഞ്ഞെടുപ്പുമായി ബന്ധപ്പെട്ട് ഗവ.കോളേജിൽ കെ.എസ്.യു. എസ്.എഫ്.ഐ. സംഘർഷം. Student organizations clashed in Kattapana Govt. College
ഒന്നാം വർഷ വിദ്യാർഥികളും കെ.എസ്.യു. പ്രവർത്തകരുമായ ജോൺസൺ ജോയി, ജസ്റ്റിൻ ജോർജ്, ആൽബർട്ട് തോമസ്, അശ്വിൻ ശശി, അമൽരാജു പി.ജി.ഒന്നാം വർഷ വിദ്യാർഥിനി സോന ഫിലിപ്പ് എന്നിവർക്ക് പരിക്കേറ്റു.
കെ.എസ്.യു. പ്രവർത്തകരിൽ പലർക്കും ആയുധം ഉപയോഗിച്ചുള്ള ആക്രമണമേറ്റിട്ടുണ്ട്. എസ്.എഫ്.ഐ. പ്രവർത്തകരായ അഖിൽ ബാബു, അശ്വിൻ സനീഷ്, കെ.എസ്.ദേവദത്ത് എന്നിവർക്കും ആക്രമണത്തിൽ പരിക്കേറ്റിട്ടുണ്ട്.
ഇരുമ്പ് നഞ്ചക്കും കമ്പിവടികളുമായി നടന്ന ആക്രമണം കൈവിട്ടു പോയതോടെ പോലീസ് കോളേജ് ക്യാമ്പസിൽ കടന്നുകയറി വിദ്യാർഥികളെ ഒഴിപ്പിക്കുകയായിരുന്നു. സംഭവത്തെ തുടർന്ന് കോളേജ് അനിശ്ചിത കാലത്തേക്ക് അടച്ചു.
