പ്രേക്ഷകർക്ക് ഏറെ പ്രിയപ്പെട്ട നടിയാണ് നവ്യ നായർ . ഇഷ്ടം എന്ന സിനിമയിലൂടെയാണ് ആദ്യമായി താരം വെളിത്തിരയിൽ എത്തുന്നത്. പിന്നീട് ചെയ്ത നന്ദനത്തിലെ പ്രകടനം നടിക്ക് കരിയറിൽ തന്നെ വലിയ വഴിത്തിരിവായി. പാണ്ടിപ്പട, കല്യാണരാമൻ തുടങ്ങി ഹിറ്റ് സിനിമകളുടെ വലിയൊരു നിര തന്നെ നവ്യക്ക് പിന്നീട് കരിയറിലുണ്ട്. ഇപ്പോഴിതാ നവ്യ ആദ്യമായി അഭിനയിച്ച ഇഷ്ടം എന്ന സിനിമയെക്കുറിച്ച് സംവിധായകൻ സിബി മലയിൽ തുറന്നു പറഞ്ഞ കാര്യങ്ങളാണ് ചർച്ച.
നവ്യ സിനിമയിൽ എത്തിയതും , പേര് മാറിയതിനെയും കുറിച്ചായിരുന്നു തുറന്ന് പറച്ചിൽ.സിനിമയുടെ പ്രൊഡക്ഷൻ മാനേജരായിരുന്ന സിദ്ധാർത്ഥൻ മലയാള മനോരമ ആഴ്ചപതിപ്പിലെ കവർ പേജിൽ ഒരു കുട്ടിയുണ്ട്, കണ്ടിട്ട് നന്നായിട്ട് തോന്നുന്നു, സാറൊന്ന് നോക്കെന്ന് പറഞ്ഞു. അങ്ങനെയാണ് നവ്യയെ കാണുന്നത് . നവ്യ മാതാപിതാക്കളോടൊപ്പം തൃശൂരിൽ വന്ന് കണ്ടു. ഓഡിഷനിൽ വളരെ നന്നായി പെർഫോം ചെയ്ത നവ്യയെ മതി എന്ന തീരുമാനത്തിലും എത്തി പിന്നീട് വൈകാതെ. അന്ന് നവ്യയുടെ പേര് ധന്യയെന്നാണ്. ധന്യയെന്ന പേരിൽ ഒരു കുട്ടി ആ സമയത്ത് മലയാള സിനിമയിലുണ്ട്. എന്റെ തന്നെ ദേവദൂതൻ എന്ന സിനിമയിൽ ഒരു വേഷം ചെയ്തിട്ടുമുണ്ട്. ധന്യയെന്ന പേര് വരുമ്പോൾ കൺഫ്യൂഷനുണ്ടാകും, ഇഷ്ടമുള്ള പേര് ആലോചിച്ച് പറയാൻ പറഞ്ഞു. പേര് നവ്യയെന്ന് തീരുമാനിച്ചതായി പിതാവ് വന്ന് പറഞ്ഞു. അങ്ങനെയാണ് ധന്യ നവ്യ നായരായി മാറിയത്. ഗ്രാമീണ പശ്ചാത്തലത്തിൽ നിന്ന് വന്ന നവ്യക്ക് മോഡേണായ കഥാപാത്രം അഭിനയിക്കുമ്പോൾ ചില ബുദ്ധിമുട്ടുകൾ ഉണ്ടായിരുന്നെന്നും സിബി മലയിൽ ഓർത്തു.
ഒരുപാട് നീളത്തിലുള്ള മുടിയുണ്ട്. അത്രയും നീളത്തിലുള്ള മുടി വിദേശത്ത് നിന്ന് വരുന്ന കുട്ടികൾക്കുണ്ടാകില്ല. മുടി വെട്ടുന്നതിൽ നവ്യക്ക് പ്രയാസമുണ്ടായിരുന്നു. മുടിയല്ലേ, വളർന്ന് വരും, ക്യാരക്ടറിന് വേണ്ടി നമ്മൾ മാറണ്ടേ എന്നൊക്കെ ചോദിച്ചാണ് മുടി മുറിക്കാൻ സമ്മതിച്ചത്. സ്ലീവ് ലെസ് വസ്ത്രങ്ങൾ ധരിക്കാൻ നവ്യ മടിച്ചെന്നും ഇങ്ങനെയുള്ള വസ്ത്രങ്ങൾ ഇടില്ലെന്ന് പറഞ്ഞ് കരഞ്ഞെന്നും സിബി മലയിൽ പറയുന്നു. പതുക്കെ അതിനോടൊക്കെ ചേർന്ന് നല്ല രീതിയിൽ നവ്യ കഥാപാത്രത്തെ ചെയ്തു. നല്ലൊരു നർത്തകിയാണ്. മോണോ ആക്ടും മിമിക്രിയുമൊക്കെ ചെയ്യുന്നതിനാൽ അഭിനയം അത്ര ബുദ്ധിമുട്ടുണ്ടായില്ലെന്നും സിബി മലയിൽ പറഞ്ഞു.
Read Also : ജയലളിതയ്ക്ക് ശേഷം തമിഴ്നാട് രാഷ്ട്രിയത്തിൽ വിജയിച്ച ഏക നടൻ.
