2 കോടിയിലധികം വരുമാനം, പക്ഷേ ചില ചെലവുകൾക്ക് ‘നോ’; യുവതിയുടെ വൈറൽ പോസ്റ്റ്
വർഷത്തിൽ ഏകദേശം ₹2.3 കോടി വരുമാനമുണ്ടായിട്ടും ചില കാര്യങ്ങളൾക്കു വേണ്ടി പണം ചെലവഴിക്കാറില്ലെന്ന് പറഞ്ഞ് സോഷ്യൽ മീഡിയയിൽ ശ്രദ്ധ നേടിയിരിക്കുകയാണ് ഇന്ത്യൻ വംശജയായ ശിവി ചൌഹാൻ.
അമേരിക്കയിലെ ഫെഡെറൽ റിസർവിൽ സീനിയർ എക്സാമിനറായി ജോലി ചെയ്യുന്ന ശിവി, സ്വന്തം ചെലവു ശീലങ്ങളെക്കുറിച്ചാണ് പോസ്റ്റിലൂടെ തുറന്നുപറഞ്ഞത്.
ആഡംബര ബാഗുകൾക്ക് ‘നോ’
ലക്ഷങ്ങൾ വിലമതിക്കുന്ന ഡിസൈനർ ബാഗുകൾ വാങ്ങുന്നത് താൻ ഒഴിവാക്കാറുണ്ടെന്ന് ശിവി പറയുന്നു. “വളരെ വിലകൂടിയ ബാഗുകൾ പലപ്പോഴും ഉപയോഗിക്കാതെ അലമാരയിൽ തന്നെ ഇരിക്കും” എന്നാണ് അവരുടെ അഭിപ്രായം.
ഡ്യൂപ്പുകൾ ഒഴിവാക്കും
വിലകുറഞ്ഞ ഡ്യൂപ്ലിക്കേറ്റ് ഉൽപ്പന്നങ്ങൾ വാങ്ങുന്നതും താൻ ഒഴിവാക്കുന്നു. ആദ്യം ഡ്യൂപ്പ് വാങ്ങി പിന്നെ ഒറിജിനൽ വാങ്ങേണ്ടി വരുന്നത് രണ്ടുതവണ ചെലവുണ്ടാക്കുമെന്ന് അവർ ചൂണ്ടിക്കാട്ടുന്നു.
വീട്ടിൽ തന്നെ ഗ്രൂമിംഗ്
പാർലറുകളിൽ പോകുന്നതിനുപകരം വീട്ടിൽ തന്നെ എപ്പിലേറ്റർ ഉപയോഗിച്ച് ഹെയർ റിമൂവൽ ചെയ്യുന്നത് കഴിഞ്ഞ 10 വർഷമായി തുടരുന്ന ശീലമാണെന്ന് ശിവി പറയുന്നു. ഇത് നല്ലൊരു ചെലവ് ലാഭിക്കാനുള്ള മാർഗമാണെന്നും അവർ പറയുന്നു.
ഫാസ്റ്റ് ഫാഷൻ ബ്രാൻഡുകൾ ഒഴിവാക്കി
കഴിഞ്ഞ മൂന്ന് വർഷമായി Zara, H&M പോലുള്ള ഫാസ്റ്റ് ഫാഷൻ ബ്രാൻഡുകളിൽ നിന്ന് വസ്ത്രങ്ങൾ വാങ്ങാറില്ല.
കുറഞ്ഞ ഗുണമേന്മയുള്ള വസ്ത്രങ്ങൾ പെട്ടെന്ന് നശിക്കുന്നതിനാൽ അത് പണം കളയുന്നതിന് തുല്യമാണെന്നാണ് ശിവിയുടെ നിലപാട്.
ഭക്ഷണ ശീലങ്ങളിലും നിയന്ത്രണം
വിശേഷ ദിവസങ്ങളിൽ മാത്രം നല്ല ഹോട്ടലുകളിൽ ഭക്ഷണം കഴിക്കും. എന്നാൽ ദിവസേന പുറത്തുനിന്ന് കോഫിയോ ഭക്ഷണമോ വാങ്ങുന്നത് ഒഴിവാക്കി വീട്ടിലെ ഭക്ഷണത്തിനാണ് അവർ മുൻഗണന നൽകുന്നത്.
പാഠം എന്ത്?
വരുമാനം എത്രയാണെന്നതല്ല, പണം എങ്ങനെ ചെലവഴിക്കാം എന്നതാണ് പ്രധാനമെന്ന് ശിവിയുടെ പോസ്റ്റ് ഓർമ്മിപ്പിക്കുന്നു. സാമ്പത്തിക ശാസ്ത്രീയതയും ബോധപൂർവ്വമായ ചെലവും ഇന്ന് കൂടുതൽ പ്രസക്തമാണെന്ന സന്ദേശമാണ് ഇത് നൽകുന്നത്.
English Summary:
Shivi Chauhan, who earns over ₹2.3 crore annually, shared that she avoids spending on luxury bags, duplicates, salon services, fast fashion, and daily eating out. Her post highlights the importance of smart spending habits over income level.
