‘എനിക്ക് സ്നേഹിക്കാനും എന്നെ സ്നേഹിക്കാനും ഒരാൾ വേണം’; ഓട്ടോയിൽ വിവാഹ പരസ്യം
കോഴിക്കോട്: വിവാഹം നടക്കാതായതോടെ ജീവിത പങ്കാളിയെ കണ്ടെത്താൻ വ്യത്യസ്ത മാർഗം തെരഞ്ഞെടുത്ത് ഓട്ടോ ഡ്രൈവർ.
കോഴിക്കോട് കോർപ്പറേഷൻ പരിധിയിൽ സർവീസ് നടത്തുന്ന ഓട്ടോയുടെ പിന്നിൽ തന്നെ വിവാഹ പരസ്യം പതിപ്പിച്ചാണ് ഇയാൾ ശ്രദ്ധ നേടുന്നത്.
“എനിക്ക് സ്നേഹിക്കാനും എന്നെ സ്നേഹിക്കാനും ഒരു പെണ്ണ് വേണം” എന്ന സന്ദേശത്തോടെയാണ് പരസ്യം. പങ്കാളിയെ കണ്ടെത്താൻ സഹായിക്കുന്നവർക്ക് വിവാഹ ശേഷം ₹10,000 നൽകുമെന്നും പരസ്യത്തിൽ വ്യക്തമാക്കുന്നു.
കിമോണോ നല്കാന് വൈകി; ഇന്ത്യക്കാരിക്ക് ജപ്പാനിൽ ‘പിഴയും’ പൊലീസ് ഇടപെടലും
പ്രായപരിധിയും നിബന്ധനകളും; ‘മനസ്സ് നോവിക്കില്ല’ എന്ന് ഉറപ്പ്
26 മുതൽ 37 വയസ്സുവരെയുള്ള പെൺകുട്ടികൾക്ക് അപേക്ഷിക്കാമെന്നും, മുൻപ് വിവാഹിതരായവർക്കും അവസരം ഉണ്ടെന്നും പരസ്യത്തിൽ പറയുന്നു.
തന്റെ പങ്കാളിയുടെ മനസ്സ് ഒരിക്കലും വേദനിപ്പിക്കില്ലെന്ന ഉറപ്പും, മറുവശത്തുനിന്നും അതേ പരിഗണന വേണമെന്ന ആവശ്യവും പരസ്യത്തിൽ ഉൾപ്പെടുത്തിയിട്ടുണ്ട്.
ബന്ധപ്പെടാനുള്ള ഫോൺ നമ്പറോടുകൂടിയ ഈ പരസ്യം നഗരത്തിൽ യാത്ര ചെയ്യുന്നവരുടെ ശ്രദ്ധ പിടിച്ചുപറ്റിയിരിക്കുകയാണ്.
ജീവിത പങ്കാളിയെ കണ്ടെത്താനുള്ള ഈ വ്യത്യസ്ത ശ്രമം സോഷ്യൽ മീഡിയയിലും ചർച്ചയായി മാറിയിട്ടുണ്ട്.
English Summary:
An auto driver in Kozhikode has put up a unique marriage advertisement on his vehicle, seeking a life partner in an unconventional way. The notice clearly mentions his desire for a loving relationship and even offers a reward of ₹10,000 to anyone who helps him find a suitable match. It also outlines preferences such as age range and openness to previously married women, drawing attention from the public and sparking conversations both on the streets and on social media.
