മെഡിക്കൽ വിദ്യാർത്ഥികൾക്ക് നേരെ സദാചാര ആക്രമണം; യുവാക്കൾ അറസ്റ്റിൽ
Shangumugham Beach: ബീച്ചിൽ സമയം ചെലവഴിക്കാനിരുന്ന വിദ്യാർത്ഥികൾക്കെതിരെ സദാചാര പോലീസ് ചമഞ്ഞ് ആക്രമണം നടത്തിയ സംഭവത്തിൽ രണ്ട് പേരെ പൊലീസ് അറസ്റ്റ് ചെയ്തു. ബീമാപള്ളി സ്വദേശികളായ യുവാക്കളെയാണ് പിടികൂടിയത്.
തിങ്കളാഴ്ച പുലർച്ചെയായിരുന്നു സംഭവം. ബീച്ചിന് സമീപം ഇരുന്നുകൊണ്ടിരുന്ന മെഡിക്കൽ വിദ്യാർത്ഥികളായ യുവാവിനെയും യുവതിയെയും പ്രതികൾ സമീപിച്ച് സദാചാര പോലീസ് ചമയുകയും വിരട്ടുകയും ചെയ്തതായി പരാതിയിൽ പറയുന്നു. തുടർന്ന് യുവതിയുടെ ബാഗ് പിടിച്ചെടുത്ത് പരിശോധിക്കുകയും ചോദ്യം ചെയ്യുന്നതിനിടെ അസഭ്യം പറയുകയും ശാരീരികമായി ഉപദ്രവിക്കാൻ ശ്രമിക്കുകയും ചെയ്തു.
ഇത് തടയാൻ ശ്രമിച്ച യുവാവിനെ പ്രതികൾ മർദിച്ചതായും റിപ്പോർട്ടുണ്ട്. പിന്നാലെ ഇരുവരും പൊലീസ് കൺട്രോൾ റൂമിൽ വിവരം അറിയിക്കുകയായിരുന്നു. സ്ഥലത്ത് പട്രോളിംഗിലുണ്ടായിരുന്ന പൊലീസ് സംഘം ഉടൻ എത്തി നടത്തിയ പരിശോധനയിൽ പ്രതികളെ പിടികൂടി.
സ്ത്രീത്വത്തെ അപമാനിച്ചതിനും ആക്രമണത്തിനും കേസെടുത്തതായി പൊലീസ് അറിയിച്ചു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
English Summary
At Shangumugham Beach, two men were arrested for allegedly attacking a male and female medical student under the guise of moral policing.
The accused reportedly harassed the students, checked the woman’s bag, verbally abused them, and attempted physical assault. The male student was beaten when he tried to intervene. Police arrived after receiving a complaint and arrested the accused, who were later remanded by the court.
shangumugham-beach-moral-policing-attack-arrest
Shangumugham Beach, Moral Policing, Thiruvananthapuram, Student Attack, Kerala Police, Crime News, Arrest, Kerala News
