തിരുവനന്തപുരം: അമ്മയെ ദേഹോപദ്രവം ഏല്പ്പിച്ചയാളുടെ വീട്ടില് കയറി സ്കൂട്ടര് കത്തിച്ച യുവതിയെ അറസ്റ്റ് ചെയ്തു. പൊഴിയൂര് പ്ലാങ്കാലവിളയില് ശാലി (30)യെയാണ് പോലീസ് അറസ്റ്റ് ചെയ്തത്. തിരുവന്തപുരം പാറശാല പൊഴിയൂരിലാണ് സംഭവം.(scooter was set on fire; woman arrested in thiruvananthapuram)
കഴിഞ്ഞ 27ന് പുലർച്ചെയാണ് സംഭവം. പൊഴിയൂര് സ്വദേശി ബിബിന്റെ സ്ഥലത്ത് പാര്ക്ക് ചെയ്തിരുന്ന സ്കൂട്ടറാണ് ശാലിയും സഹോദരന് സന്തോഷ് കുമാറും ചേർന്ന് കത്തിച്ചത്. ശാലിയുടെ അമ്മയെ ദേഹോപദ്രവം ഏല്പ്പിച്ചതിനെതിരെ പൊഴിയൂര് സ്റ്റേഷനില് കേസുണ്ട്. ഈ വിരോധമാണ് അക്രമണത്തിലേക്ക് നയിച്ചതെന്ന് പോലീസ് പറഞ്ഞു.
സംഭവത്തെ തുടർന്ന് പൊഴിയൂര് എസ്എച്ച്ഒ ആസാദ് അബ്ദുല് കലാമിന്റെ നേതൃത്വത്തില് സിസിടിവി ദൃശ്യങ്ങളും മറ്റും പരിശോധിച്ചാണ് പ്രതിയെ കണ്ടെത്തിയത്. നെയ്യാറ്റിന്കര കോടതിയില് ഹാജരാക്കിയ പ്രതിയെ കോടതി റിമാന്ഡ് ചെയ്തു.
