തിരുവനന്തപുരം: ബലാത്സംഗ കേസില് നടന് സിദ്ദിഖ് രണ്ടാം തവണയും ചോദ്യം ചെയ്യലിനായി അന്വേഷണ സംഘത്തിന് മുന്നില് ഹാജരായി. തിരുവന്തപുരം കന്റോണ്മെന്റ് പൊലീസ് സ്റ്റേഷനിലാണ് നടൻ ഹാജരായത്. അതേസമയം മാധ്യമങ്ങളുടെ ചോദ്യങ്ങളോട് പ്രതികരിക്കാന് സിദ്ദിഖ് തയ്യാറായില്ല. (Rape case; Siddique appeared for questioning)
ആവശ്യപ്പെട്ട രേഖകള് സമര്പ്പിക്കാത്തതിന്റെ പശ്ചാത്തലത്തിലാണ് ആദ്യതവണ വിട്ടയച്ചത്. അന്വേഷണ ഉദ്യോഗസ്ഥര്ക്ക് മുന്നില് ഹാജരാകാന് സിദ്ദിഖ് സന്നദ്ധത അറിയിച്ചതോടെയാണ് പൊലീസ് നോട്ടീസ് നല്കിയത്. ഈ മാസം 22ന് സുപ്രീം കോടതി വീണ്ടും സിദ്ദിഖിന്റെ കേസ് പരിഗണിക്കും.
സിദ്ദിഖിന്റെ അറസ്റ്റ് രണ്ടാഴ്ചത്തേക്കാണ് കോടതി തടഞ്ഞിരിക്കുന്നത്.സിനിമയില് അവസരം വാഗ്ദാനം ചെയ്ത് പീഡിപ്പിച്ചെന്ന യുവനടിയുടെ പരാതിയുടെ അടിസ്ഥാനത്തിലാണ് സിദ്ദിഖിനെതിരെ പൊലീസ് കേസെടുത്തത്. 2016ല് മസ്ക്കറ്റ് ഹോട്ടലില് വെച്ച് സിദ്ദിഖ് ബലാത്സംഗം ചെയ്തുവെന്നാണ് പരാതി.
ഡൽഹിയിൽ യുവതിക്ക് ക്രൂരപീഡനം ! ബലാത്സംഗം ചെയ്ത് റോഡരികിൽ ഉപേക്ഷിച്ച നിലയിൽ; ക്രൂര പീഡനത്തിനിരയായത് ജോലി നഷ്ടപ്പെട്ട് തെരുവിൽ അലയുന്നതിനിടെ
